ಬೆಂಗಳೂರು: ಮೊಬೈಲ್ ಟವರ್ಗಳಿಗೆ ಅಳವಡಿಸಿದ್ದ ಆರ್ಆರ್ಯು (ರಿಮೋಟ್ ರೇಡಿಯೊ ಯೂನಿಟ್) ಬಾಕ್ಸ್ ಕಳ್ಳತನ ಮಾಡುತ್ತಿದ್ದ ಇಬ್ಬರು ಆರೋಪಿಗಳನ್ನು ಕೆಂಗೇರಿ ಠಾಣೆ ಪೊಲೀಸರು ಬಂಧಿಸಿದ್ದಾರೆ.
‘ಕುಂಬಳಗೂಡು ಬಳಿಯ ಚಳ್ಳೇಘಟ್ಟದ ದೀಪಕ್ರಾವ್ ಪವಾರ್ (22) ಹಾಗೂ ಜಾನ್ ಪಿಂಟೊ (20) ಬಂಧಿತರು. ಇವರಿಂದ ₹ 11 ಲಕ್ಷ ಮೌಲ್ಯದ 14 ಬಾಕ್ಸ್ ಜಪ್ತಿ ಮಾಡಲಾಗಿದೆ’ ಎಂದು ಪೊಲೀಸರು ಹೇಳಿದರು.
‘ಕೂಲಿ ಕಾರ್ಮಿಕರಾದ ಆರೋಪಿಗಳು, ಹಲವು ಕಡೆಗಳಲ್ಲಿ ಬಾಕ್ಸ್ಗಳನ್ನು ಕದ್ದಿದ್ದರು. ಒಂದು ಬಾಕ್ಸ್ನ ಬೆಲೆ ₹ 75 ಸಾವಿರ. ಆದರೆ, ಆರೋಪಿಗಳು ₹ 5 ಸಾವಿರಕ್ಕೆ ಗುಜರಿ ವ್ಯಾಪಾರಿಗಳಿಗೆ ಮಾರಿದ್ದರು’ ಎಂದರು.