ಬೆಳ್ಳಂದೂರು ನಿವಾಸಿಯಾದ ಈತ, ಸಮೀಪದ ಸರ್ಕಾರಿ ಶಾಲೆಯಲ್ಲಿ ಓದುತ್ತಿದ್ದ. ಶನಿವಾರ ತರಗತಿ ಮುಗಿಸಿಕೊಂಡು ಸಂಜೆ 4 ಗಂಟೆ ಸುಮಾರಿಗೆ ಸ್ನೇಹಿತರ ಜತೆ ಕೆರೆಗೆ ತೆರಳಿದ್ದ. ಈಜು ಬಾರದಿದ್ದರೂ ನೀರಿಗೆ ಧುಮುಕಿದ ಪದ್ಮನಾಭ್, ನೆರವಿಗೆ ಕೂಗಿಕೊಳ್ಳುತ್ತ ಸ್ವಲ್ಪ ಸಮಯದಲ್ಲೇ ಮುಳುಗಿದ್ದಾನೆ.
ಸ್ನೇಹಿತರ ಚೀರಾಟ ಕೇಳಿ, ಸ್ಥಳೀಯ ಯುವಕರು ಕೆರೆಗೆ ಹಾರಿ ಶೋಧ ನಡೆಸಿದರೂ ಆತ ಪತ್ತೆಯಾಗಿಲ್ಲ. ಸ್ಥಳಕ್ಕೆ ದೌಡಾಯಿಸಿದ ಅಗ್ನಿಶಾಮಕ ಸಿಬ್ಬಂದಿ, ಎರಡು ತಾಸು ಕಾರ್ಯಾಚರಣೆ ನಡೆಸಿ ಶವ ಹೊರತೆಗೆದಿದ್ದಾರೆ.