ಡ್ರಗ್ಸ್; ಮತ್ತಿಬ್ಬರ ಹೇಳಿಕೆ ಸಂಗ್ರಹ

‘ಪ್ರಕರಣದಲ್ಲಿ ಬಂಧಿತರಾಗಿ ಜೈಲು ಸೇರಿರುವ ನಟಿ ಸಂಜನಾ ಗಲ್ರಾನಿ ಜೊತೆ ಒಡನಾಟ ಹೊಂದಿದ್ದ ಅನುಮಾನದಡಿ ಜೋಯೆಬ್ ಹಾಗೂ ಆನಂದ್ ಎಂಬುವರನ್ನು ಕಚೇರಿ ಕರೆತಂದು ವಿಚಾರಣೆ ನಡೆಸಲಾಯಿತು. ನಂತರ ಅವರಿಬ್ಬರನ್ನು ನ್ಯಾಯಾಧೀಶರ ಬಳಿ ಕರೆದೊಯ್ದು ಹೇಳಿಕೆ ದಾಖಲಿಸಲಾಗಿದೆ’ ಎಂದು ಸಿಸಿಬಿ ಮೂಲಗಳು ತಿಳಿಸಿವೆ.

‘‌ಆರೋಪಿಗಳು ಆಯೋಜಿಸುತ್ತಿದ್ದ ಪಾರ್ಟಿಗಳಲ್ಲಿ ಆರೋಪಿ ಜೋಯೆಬ್ ಹಾಗೂ ಆನಂದ್ ಪಾಲ್ಗೊಂಡಿದ್ದರು. ಅವರಿಬ್ಬರಿಗೆ ನಟಿ ಸಂಜನಾ ಗಲ್ರಾನಿ, ವೈಭವ್ ಜೈನ್ ಹಾಗೂ ಇತರೆ ಆರೋಪಿಗಳ ಒಡನಾಟವಿದ್ದ ಬಗ್ಗೆ ಪುರಾವೆಗಳು ಸಿಕ್ಕಿದ್ದವು. ಯಾವ ರೀತಿಯ ಒಡನಾಟವೆಂಬ ಬಗ್ಗೆ ಹೇಳಿಕೆ ಪಡೆಯಲಾಗಿದ್ದು, ತನಿಖೆ ಮುಂದುವರಿದಿದೆ’ ಎಂದೂ ಮೂಲಗಳು ಹೇಳಿವೆ.