ವಿದ್ಯುತ್ ದರ ಏರಿಕೆಗೆ ಆಮ್‌ ಆದ್ಮಿ ಪಕ್ಷ ವಿರೋಧ
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಮುಂದಿನ ಏಪ್ರಿಲ್‌ನಿಂದ ಪ್ರತಿ ಯುನಿಟ್‌ ವಿದ್ಯುತ್‌ಗೆ ₹1.39 (ಶೇ 22) ಹೆಚ್ಚಳ ಮಾಡಲು ಮತ್ತೆ ಪ್ರಸ್ತಾವ ಸಲ್ಲಿಸಿರುವ ಬೆಸ್ಕಾಂ ನಡೆಗೆ ಆಮ್‌ ಆದ್ಮಿ ಪಕ್ಷ ವಿರೋಧ ವ್ಯಕ್ತಪಡಿಸಿದೆ.
‘2020-21ರ ಅವಧಿಯಲ್ಲಿ ₹ 5,872 ಕೋಟಿ ಆದಾಯದ ಕೊರ ತೆಯನ್ನು ಬೆಸ್ಕಾಂ ತೋರಿಸಿದೆ. ಕಳೆದ ವರ್ಷದ ವಿದ್ಯುತ್ ದರ ಹೆಚ್ಚಳ ಹಾಗೂ ಈಗ ಪ್ರಸ್ತಾಪಿಸಿರುವ ಬೆಲೆ ಏರಿಕೆಯನ್ನು ಸೇರಿಸಿದರೆ ಒಟ್ಟು ಪ್ರತಿ ಯುನಿಟ್‌ಗೆ ₹1.79 (ಶೇ 26) ಹೆಚ್ಚಳವಾಗುತ್ತದೆ. ಈ ರೀತಿ ಜನರನ್ನು ಸುಲಿಗೆ ಮಾಡಿ ಅದಾನಿ ಜೇಬು ತುಂಬಿಸಲು ಸರ್ಕಾರ ಹೊರಟಂತಿದೆ’ ಎಂದು ಪಕ್ಷದ ನೀತಿ ಸಂಶೋಧನಾ ವಿಭಾಗದ ಮುಖ್ಯಸ್ಥ ಪ್ರಕಾಶ್ ನೆಡುಂಗಡಿ ದೂರಿದರು.
ಬೇಕಾ ನಮಗೆ ಇಂತಹ ಸರ್ಕಾರ! @BtNaganna@aapkaprithvi @MohanDasari_ @romibhati @ShanthalaDamle @SharatKhadri @tv9kannada @jagdishsadam @thenewsminute @NEWS9TWEETS @OneindiaKannada @prajaatv @publictvnews @AAPKarnataka pic.twitter.com/kYA36GZnxD
— AAP Bengaluru (@AAPBangalore) February 13, 2021
‘ಕಳೆದ ನವೆಂಬರ್‌ನಲ್ಲಷ್ಟೇ ಪ್ರತಿ ಯುನಿಟ್‌ಗೆ 40 ಪೈಸೆ ಹೆಚ್ಚಿಸಿದ್ದ ಬೆಸ್ಕಾಂ ಈಗ ಮತ್ತೆ ಪ್ರಸ್ತಾವ ಸಲ್ಲಿಸಿದೆ. ಇನ್ನೊಂದಡೆ, 2020 ರ ಏಪ್ರಿಲ್-ಸೆಪ್ಟೆಂಬರ್ ಅವಧಿಯಲ್ಲಿ ಉಡುಪಿಯ ಅದಾನಿ ಪವರ್ ತನ್ನ ಲಾಭವನ್ನು 100 ಪಟ್ಟು ಹೆಚ್ಚಿಸಿಕೊಂಡಿದೆ. ವಿದ್ಯುತ್ ಸಚಿವಾಲಯವು ಅದಾನಿಯಿಂದ ಹೆಚ್ಚುವರಿಯಾಗಿ 1,800 ಮೆಗಾವಾಟ್ ವಿದ್ಯುತ್ ಖರೀದಿಸುವ ಯೋಜನೆ ಹಾಕಿಕೊಂಡಿದೆ. ಇದಕ್ಕೆ ಪ್ರತಿ ವರ್ಷ ₹364 ಕೋಟಿ ವೆಚ್ಚವಾಗಲಿದೆ. ಈ ಹೊರೆಯನ್ನು ಬಡ ಜನರ ಮೇಲೆ ಹಾಕಲಾಗುತ್ತಿದೆ’ ಎಂದು ಆರೋಪಿಸಿದರು.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
