ಬೆಂಗಳೂರು: ಥಣಿಸಂದ್ರ ಮುಖ್ಯ ರಸ್ತೆಯಲ್ಲಿ ಗಾಂಜಾ ಮಾರಾಟ ಮಾಡುತ್ತಿದ್ದ ನಾಲ್ವರನ್ನು ಹೆಣ್ಣೂರು ಪೊಲೀಸರು ಬಂಧಿಸಿ 1ಕೆ.ಜಿ 80 ಗ್ರಾಂ ಗಾಂಜಾ ಹಾಗೂ ₹ 500 ನಗದು ವಶಪಡಿಸಿಕೊಂಡಿದ್ದಾರೆ.
ಬಂಧಿತರನ್ನು ಹೆಣ್ಣೂರು ರಿಂಗ್ ರಸ್ತೆಯ ರುಬೆನ್ (20), ಹೆಣ್ಣೂರು ಕ್ರಾಸ್ನ ಮಾರುತಿ ಬಡಾವಣೆಯ ಲಾರೆನ್ಸ್ (21), ಕಮ್ಮನಹಳ್ಳಿಯ ನಂಗ್ತುಂಗ್ (27) ಮತ್ತು ಕಲ್ಯಾಣ ನಗರದ ಜಾನ್ (22) ಎಂದು ಪೊಲೀಸರು ಗುರುತಿಸಿದ್ದಾರೆ.
ಆರೋಪಿಗಳು ಪ್ಲಾಸ್ಟಿಕ್ ಕವರ್ನಲ್ಲಿ ಗಾಂಜಾ ಇಟ್ಟುಕೊಂಡು ಮಾರುತ್ತಿದ್ದಾರೆಂಬ ಮಾಹಿತಿ ಅನುಸರಿಸಿ ಪೊಲೀಸರು ಕಾರ್ಯಾಚರಣೆ ನಡೆಸಿದರು. ಹೆಣ್ಣೂರು ಪೊಲೀಸ್ ಇನ್ಸ್ಪೆಕ್ಟರ್ ಶ್ರೀನಿವಾಸ್ ಬಿ.ಎಂ. ದೂರು ದಾಖಲಿಸಿದ್ದಾರೆ. ನಾಲ್ವರು ಆರೋಪಿಗಳನ್ನು ಬಾಣಸವಾಡಿ ಎಸಿಪಿ ಮುಂದೆ ಹಾಜರುಪಡಿಸಲಾಗಿತ್ತು.