ಬುಧವಾರ, ಅಕ್ಟೋಬರ್ 21, 2020
24 °C

ಸ್ನೇಹಿತರ ದಿನದ ಆಚರಣೆಗೆ ಸಿದ್ಧವಾಗಿದೆ ನಗರ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ಆಗಸ್ಟ್‌ ತಿಂಗಳ ಮೊದಲ ಭಾನುವಾರವನ್ನು ಅಂತರರಾಷ್ಟ್ರೀಯ ಸ್ನೇಹಿತರ ದಿನವನ್ನಾಗಿ ಆಚರಿಸಲಾಗುತ್ತದೆ. ನಗರದಲ್ಲಿಯೂ ಈ ಸಂಭ್ರಮ ಮನೆ ಮಾಡಿದೆ.

ಭಿನ್ನವಾದ ಬ್ಯಾಂಡ್‌ಗಳನ್ನು ಖರೀದಿಸಿ, ಅದನ್ನು ತಮ್ಮ ನೆಚ್ಚಿನ ಸ್ನೇಹಿತರಿಗೆ ಕಟ್ಟುವ ಸಂಭ್ರಮದಲ್ಲಿ ಯುವ ಮನಸ್ಸುಗಳಿವೆ. ಸ್ನೇಹದ ಬ್ಯಾಂಡ್‌ಗಳ ಖರೀದಿ ಭರಾಟೆ ಜೋರಾಗಿದೆ. ಸ್ಯಾಟಿನ್‌ ರಿಬ್ಬನ್‌ಗಳಿಂದ ಹಿಡಿದು ದುಬಾರಿ ಬೆಲೆ ಬ್ಯಾಂಡ್‌ಗಳು ಮಾರುಕಟ್ಟೆಗೆ ಲಗ್ಗೆಯಿಟ್ಟಿವೆ.

ಈ ದಿನಕ್ಕಾಗಿಯೇ ಗ್ರೀಟಿಂಗ್‌, ಹೂವು, ಗಿಫ್ಟ್‌... ಹೀಗೆ ಹಲವು ರೀತಿಯ ಉಡುಗೊರೆಗಳು ದೊರೆಯುತ್ತಿವೆ. ಟ್ವಿಟರ್‌, ಫೇಸ್‌ಬುಕ್‌ ಸೇರಿ ವಿವಿಧ ಜಾಲತಾಣಗಳಲ್ಲಿಯೂ ಶುಭಾಶಯ ವಿನಿಮಯ ಈಗಾಗಲೇ ಪ್ರಾರಂಭವಾಗಿದೆ. 

ಮಾಲ್‌ಗಳಲ್ಲೂ ಆಚರಣೆ: ನಗರದ ಮಾಲ್‌ಗಳಲ್ಲೂ ಸ್ನೇಹಿತರ ದಿನಾಚರಣೆಗಾಗಿ ನಾನಾ ಕಾರ್ಯಕ್ರಮಗಳು ಆಯೋಜನೆಗೊಂಡಿವೆ. ಬಗೆಬಗೆ ಆಟಗಳು, ಶಾಪಿಂಗ್‌ ಸೆಂಟರ್‌ಗಳಲ್ಲಿ ಆಫರ್‌ಗಳು, ಹೋಟೆಲ್‌ಗಳಲ್ಲಿಯೂ ವಿಶೇಷ ಮೆನು ಸಹ ಸಿದ್ಧವಾಗಿದೆ. 

ಶನಿವಾರ ಹಾಗೂ ಭಾನುವಾರ ಸಾಕಷ್ಟು ಹೋಟೆಲ್‌, ಪಬ್‌ಗಳು ಪಾರ್ಟಿಗಳನ್ನು ಆಯೋಜಿಸಿದ್ದು, ಡ್ರೆಸ್‌ಕೋಡ್‌ ಕೂಡ ಮಾಡಿವೆ. ಥೀಮ್‌ ಹಾಗೂ ಕಾನ್ಸೆಪ್ಟ್‌ ಇರುವ ಫ್ರೆಂಡ್‌ಶಿಪ್‌ ಪಾರ್ಟಿಗಳು ನಡೆಯುತ್ತಿವೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು