‘ಮಗನಿಗೆ ನೆರವಾದ ಮನೆ ಗ್ರಂಥಾಲಯ’

‘ನಾನು ಇಂಗ್ಲಿಷ್ ಪ್ರಾಧ್ಯಾಪಕ. ಸ್ವತಃ ಸಾಹಿತಿಯಾಗಿದ್ದರಿಂದ ಕನ್ನಡ–ಇಂಗ್ಲಿಷ್ ಎರಡೂ ವಿಷಯಗಳನ್ನು ಪರೀಕ್ಷೆಯ ದೃಷ್ಟಿಯಿಂದ ಚರ್ಚಿಸುತ್ತಿದ್ದೆವು. ಸತತ ಓದಿನಿಂದ ಮನಸ್ಸಿಗಾದ ದಣಿವು ನಿವಾರಿಸಿಕೊಳ್ಳಲು ನನ್ನ ಮಗ ಕಲಿತ ಯೋಗಾಭ್ಯಾಸ ಹಾಗೂ ಸಂಗೀತ ಸಹಾಯವಾಯಿತು. ಇವೆರಡೂ ಅವನಲ್ಲಿ ಅದ್ಭುತ ಏಕಾಗ್ರತೆ ಮೂಡಿಸಿದವು’ ಎಂದರು.

‘ನಿಮ್ಮ ಮಗನ ಯಶಸ್ಸಿಗೆ ತಂದೆ–ತಾಯಿಯಾಗಿ ನಿಮ್ಮ ಕೊಡುಗೆ ಏನು?’ ಎಂದಾಗ, ‘ತಂದೆ ಯಾವಾಗಲೂ ಮಕ್ಕಳ ಭವಿಷ್ಯದ ಬಗ್ಗೆ ಯೋಜನೆ ಸಿದ್ಧಪಡಿಸುತ್ತಾನೆ. ತಾಯಿ ಅದನ್ನು ಅನುಷ್ಠಾನಕ್ಕೆ ತರುವ ಕೆಲಸ ಮಾಡುತ್ತಾಳೆ. ನನ್ನ ಮಗ ಎಂಜಿನಿಯರ್ ಕೆಲಸ ಬಿಟ್ಟು ಯುಪಿಎಸ್‌ಸಿ ಪರೀಕ್ಷೆಗೆ ಓದುವಾಗ ಕೆಲಸ ಬಿಟ್ಟನಲ್ಲ ಎಂದು ಮನಸ್ಸಿನ ಮೂಲೆಯಲ್ಲಿ ಒಂದು ಅಳುಕು ಇತ್ತು. ಇದೇ ಹೆಗಡೆ ಊರಿನ ಸರ್ಕಾರಿ ಶಾಲೆಯಲ್ಲಿ, ಗಿಬ್ ಹೈಸ್ಕೂಲಿನಲ್ಲಿ, ನಂತರ ನಾನು ಕೆಲಸ ಮಾಡಿದ ಡಾ.ಎ.ವಿ.ಬಾಳಿಗಾ ಕಾಲೇಜಿನಲ್ಲಿ ಓದಿ ಈ ಮಟ್ಟಕ್ಕೆ ಏರಿದ್ದು ಹೆಮ್ಮೆಯ ಸಂಗತಿ’ ಎಂದು ಸಂಭ್ರಮಿಸಿದರು.

‘ಕುಮಟಾದಂಥ ಸಾಧಾರಣ ಊರಿನಲ್ಲಿರುವ ಶಿಕ್ಷಣ ಸಂಸ್ಥೆ ಯಲ್ಲಿ ಓದಿದರೂ ಸತತ ಪ್ರಯತ್ನದಿಂದ ಪರೀಕ್ಷೆ ಉತ್ತೀರ್ಣ ಮಾಡಬಹುದು ಎನ್ನುವುದಕ್ಕೆ ನಮ್ಮ ಮಗ ಉದಾಹರಣೆ’ ಎಂದರು.

– ಎಂ.ಜಿ.ನಾಯ್ಕ