‘ಬಂಧಿತರಿಬ್ಬರೂ ತಮಿಳುನಾಡಿನವರು. 28 ವರ್ಷದ ಆರೋಪಿಯೊಬ್ಬ ಇದೇ 25ರಂದು ಶಾರ್ಜಾದಿಂದ ಏರ್ ಅರೇಬಿಯಾ ಜಿ9–496 ವಿಮಾನದಲ್ಲಿ ನಗರಕ್ಕೆ ಬಂದಿದ್ದ. ಆತ ನಿಲ್ದಾಣದಲ್ಲಿ ಅನುಮಾನಾಸ್ಪದವಾಗಿ ಓಡಾಡುತ್ತಿದ್ದುದನ್ನು ಗಮನಿಸಿದ್ದ ಸಿಬ್ಬಂದಿ ಹಿಡಿದು ವಿಚಾರಿಸಿದ್ದರು. ಈ ವೇಳೆ ಚಿನ್ನ ಕಳ್ಳಸಾಗಣೆ ವಿಷಯ ಬಾಯ್ಬಿಟ್ಟಿದ್ದ. ಆತ ತನ್ನ ಒಳ ಉಡುಪಿನಲ್ಲಿ ₹52.5 ಲಕ್ಷ ಮೌಲ್ಯದ 1.1ಕೆ.ಜಿ. ಚಿನ್ನ ಅವಿತಿಟ್ಟುಕೊಂಡಿದ್ದ’ ಎಂದು ಕಸ್ಟಮ್ಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.