ಅರ್ಜಿದಾರರ ಆಕ್ಷೇಪ ಏನು?: ‘ನಾನೊಬ್ಬ ಅತ್ಯುತ್ತಮ ದರ್ಜೆಯ ವೃತ್ತಿಪರ ಕುದುರೆ ತರಬೇತುದಾರ ಹಾಗೂ ಕ್ರಿಕೆಟಿಗ. 16 ವರ್ಷಗಳಿಂದ ಕುದುರೆಗೆ ತರಬೇತಿ ನೀಡುತ್ತಿದ್ದೇನೆ. ನಾನು ತರಬೇತಿ ನೀಡಿದ ಕುದುರೆಗಳು 400ಕ್ಕೂ ಹೆಚ್ಚು ರೇಸ್ಗಳಲ್ಲಿ ಜಯಗಳಿಸಿವೆ. ನನ್ನ ವಿರುದ್ಧ ಯಾರೋ ಕೆಲವರು ಆಗದವರು ಮಾಡಿದ ಆರೋಪವನ್ನು ಪರಿಗಣಿಸಿ ಬಿಟಿಸಿ ತರಬೇತಿ ನೀಡುವುದಕ್ಕೆ ನಿರ್ಬಂಧ ವಿಧಿಸಿದೆ. ಇದು ಸರಿಯಲ್ಲ. ಆದ್ದರಿಂದ ನನ್ನ ಕುದುರೆ ತರಬೇತಿ ವಿಷಯದಲ್ಲಿ ಬಿಟಿಸಿ ಮಧ್ಯಪ್ರವೇಶಿಸದಂತೆ ಆದೇಶಿಸಬೇಕು’ ಎಂದು ಅರ್ಜಿದಾರರು ಕೋರಿದ್ದಾರೆ.