ಬೆಂಗಳೂರು: ಮೈಸೂರು ಸ್ಯಾಂಡಲ್ ಸಾಬೂನು ಕಾರ್ಖಾನೆ ಜಂಕ್ಷನ್‌ನಲ್ಲಿ ಅಳವಡಿಸಿರುವ ಮೂರು ಪ್ರತಿಮೆಗಳು ಉದ್ಯಾನ ಮತ್ತು ರಸ್ತೆ ಜಾಗದಲ್ಲಿ ಇವೆ ಎಂಬುದಕ್ಕೆ ಹೆಚ್ಚಿನ ವಿವರ ಸಲ್ಲಿಸುವಂತೆ ಅರ್ಜಿದಾರರಿಗೆ ಹೈಕೋರ್ಟ್ ನಿರ್ದೇಶನ ನೀಡಿದೆ.
‘ಹೆದ್ದಾರಿಗೆ ಹೊಂದಿಕೊಂಡಂತೆ ನಿಯಮಗಳನ್ನು ಉಲ್ಲಂಘಿಸಿ ಜಗಜ್ಯೋತಿ ಬಸವೇಶ್ವರ, ಶಿವಕುಮಾರಸ್ವಾಮೀಜಿ, ರಾಜ್‌ಕುಮಾರ್ ಅವರ ಪ್ರತಿಮೆಗಳನ್ನು ಪ್ರತಿಷ್ಠಾಪಿಸಲಾಗಿದೆ’ ಎಂದು ವಕೀಲ ಎ.ವಿ. ಅಮರನಾಥನ್ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ಸಲ್ಲಿಸಿದ್ದರು.
‘ವಾಹನ ಸಂಚಾರಕ್ಕೆ ಯೋಗ್ಯವಾಗದ ಮಧ್ಯದ ಪ್ರದೇಶದಲ್ಲಿ ಪ್ರತಿಮೆಗಳನ್ನು ಪ್ರತಿಷ್ಠಾಪಿಸಲಾಗಿದೆಯೇ ಹೊರತು ರಸ್ತೆ ಅಥವಾ ಉದ್ಯಾನದಲ್ಲಿ ಅಲ್ಲ. ಪ್ರತಿಮೆಗಳನ್ನು ಅಳವಡಿಸುವ ಕೆಲಸ ಪೂರ್ಣಗೊಂಡಿದ್ದು, ಅನಾವರಣಕ್ಕೆ ಸಿದ್ಧವಾಗಿವೆ’ಎಂದುನ್ಯಾಯಾಲಯಕ್ಕೆ ಬಿಬಿಎಂಪಿ ಸೋಮವಾರ ವಿವರಣೆ ಸಲ್ಲಿಸಿತು.
