ಇಂತಹ ಸನ್ನಿವೇಶದಲ್ಲಿ ಉದ್ಯೋಗಿಗಳ ಅನ್ವೇಷಣೆಯಲ್ಲಿರುವ ಕಂಪನಿಗಳು ಹಾಗೂ ಉದ್ಯೋಗಾಕಾಂಕ್ಷಿಗಳನ್ನು ಒಂದೇ ವೇದಿಕೆಯಡಿ ತರಲಾಗಿದ್ದು, ಇದರಿಂದ ಇಬ್ಬರಿಗೂ ಅನುಕೂಲವಾಗಲಿ ಎಂದರು. ಮೇಳದಲ್ಲಿ ಇನ್ಫೊಸಿಸ್ ಬಿಪಿಒ, ಒಮೆಗಾ, ಎಚ್ಎಸ್ಬಿಸಿ, ಟೊಯೊಟಾ. ಎಲ್ಜಿ, ಮ್ಯಾಕ್ಸ್ ಲೈಫ್, ಎಚ್ಡಿಎಫ್ಸಿ, ಎಲ್ಐಸಿ, ಹಿಂದೂಸ್ತಾನ್ ಯೂನಿಲಿವರ್, ಟಫೆ. ಹೋಂಡಾ ಲಿಮಿಟೆಡ್, ಸೇರಿದಂತೆ 102 ಕಂಪನಿಗಳ ಪ್ರತಿನಿಧಿಗಳು ಪಾಲ್ಗೊಂಡಿದ್ದರು. ನೋಂದಣಿ ಮಾಡಿಕೊಂಡಿದ್ದ ಒಟ್ಟು 4,500 ಉದ್ಯೋಗಾಕಾಂಕ್ಷಿಗಳ ಪೈಕಿ 651 ಮಂದಿ ವಿವಿಧ ಹುದ್ದೆಗಳಿಗೆ ಸ್ಥಳದಲ್ಲೇ ಆಯ್ಕೆಯಾದರು. ಅಲ್ಲದೆ 1,310 ಮಂದಿಗೆ ಮುಂದಿನ ಸಂದರ್ಶನಕ್ಕಾಗಿ ಆಹ್ವಾನ ನೀಡಲಾಯಿತು.