ಬಡ ಮಕ್ಕಳಿಗೆ ನೆರವಾದ ಎನ್‌ಸಿಸಿ ಕೆಡೆಟ್‌ಗಳು

ಎನ್.ಸಿ.ಸಿ ಅಧಿಕಾರಿ ಕ್ಯಾ.ಎಚ್.ಕೆ.ರೂಪಾರಾಣಿ ನೇತೃತ್ವದಲ್ಲಿ 100 ಎನ್.ಸಿ.ಸಿ ಕೆಡೆಟ್‌ಗಳು6 ಕಿ.ಮೀ ದೂರ ರ‍್ಯಾಲಿಯಲ್ಲಿ ತೆರಳಿ ವಂಚಿತ ವರ್ಗದ 200 ಮಕ್ಕಳಿಗೆ ಶೈಕ್ಷಣಿಕ ಕಿಟ್‌ಗಳನ್ನು ವಿತರಿಸಿದರು. ಶಿಕ್ಷಣದ ಮಹತ್ವ, ಮಹಿಳಾ ಸಬಲೀಕರಣ, ಆರೋಗ್ಯ, ಸ್ವಚ್ಚತೆ, ಕೊರೊನಾ ನಿಯಂತ್ರಣಕ್ಕೆ ಕೈಗೊಳ್ಳಬೇಕಾದ ಮುನ್ನೆಚ್ಚರಿಕೆಗಳ ಕುರಿತುಕೊಳೆಗೇರಿ ನಿವಾಸಿಗಳಲ್ಲಿ ಅರಿವು ಮೂಡಿಸಿದರು.

‘ಬಡಜನರ ಸಮಸ್ಯೆಗಳಿಗೆ ಕಿವಿಯೊಡ್ಡಿ ಸಾಧ್ಯವಾದಷ್ಟು ನೆರವು ನೀಡುವ ಉದ್ದೇಶದಿಂದ ಈ ಕಾರ್ಯಕ್ರಮ ಹಮ್ಮಿಕೊಳ್ಳಲಾಯಿತು. ಬಡವರಜೀವನ ಹಾಗೂ ಅವರ ಸಮಸ್ಯೆಗಳನ್ನು ಕೆಡೆಟ್‌ಗಳು ಅರಿತುಕೊಳ್ಳುವುದಕ್ಕೂ ಇದು ನೆರವಾಯಿತು’ ಎಂದು ಕ್ಯಾ. ಎಚ್.ಕೆ.ರೂಪಾರಾಣಿ ತಿಳಿಸಿದರು.