ಬೆಂಗಳೂರು: ಕೃಷಿ ಮೇಳದ ನಡೆದ ಜಿಕೆವಿಕೆ ಆವರಣಕ್ಕೆ ಶನಿವಾರ ಜನಸಾಗರವೇ ಹರಿದುಬಂದಿತ್ತು. ಇದೇ ಮೊದಲ ಬಾರಿಗೆ ಕೃಷಿ ಮೇಳವು ದಾಖಲೆ ಬರೆಯಿತು.
ಶನಿವಾರ 7.16 ಲಕ್ಷ ರೈತರು, ವಿದ್ಯಾರ್ಥಿಗಳು ಹಾಗೂ ಸಾರ್ವಜನಿಕರು ಕೃಷಿ ಮೇಳ ವೀಕ್ಷಿಸಿದರು. ಕೃಷಿ ಮೇಳದ ಇತಿಹಾಸದಲ್ಲಿ ಇಷ್ಟು ಸಂಖ್ಯೆಯ ರೈತರು ಒಂದೇ ದಿನ ಭಾಗವಹಿಸಿದ್ದು ಇದೇ ಮೊದಲು ಎಂದು ವಿವಿ ತಿಳಿಸಿದೆ.
12,500 ಜನರು ಕೃಷಿ ವಿಶ್ವವಿದ್ಯಾಲಯದ ರಿಯಾಯಿತಿ ದರದಲ್ಲಿ ಊಟ ಸವಿದರು. ಮೇಳದಲ್ಲಿ ₹ 2.85 ಕೋಟಿಯ ವಹಿವಾಟು ನಡೆದಿದೆ. 684 ರೈತರು ಸಲಹಾ ಕೇಂದ್ರದಿಂದ ಮಾಹಿತಿಯನ್ನು ಪಡೆದುಕೊಂಡರು ಎಂದು ಮಾಹಿತಿ ನೀಡಿದ್ದಾರೆ.