ಬೆಂಗಳೂರು: ಸಾರಿಗೆ ನಿಗಮಗಳ ನಿವೃತ್ತ ನೌಕರರಿಗೆ ಬಸ್‌ಗಳಲ್ಲಿ ಓಡಾಟಕ್ಕೆ ಉಚಿತ ಪಾಸ್‌ ನೀಡಲು ಆಗ್ರಹಿಸಿ ಸಾರಿಗೆ ಸಚಿವ ರಾಮಲಿಂಗಾರೆಡ್ಡಿ ಅವರಿಗೆ ಮನವಿ ಸಲ್ಲಿಸಿದ್ದಾರೆ.
ಪ್ರಸ್ತುತ ಪ್ರತಿಯೊಬ್ಬ ನಿವೃತ್ತ ನೌಕರ ವರ್ಷಕ್ಕೆ ₹500 ಪಾವತಿಸಬೇಕಿದೆ. ಈಗಾಗಲೇ ಮಹಿಳೆಯರಿಗೆ ನಿಗಮದ ಬಸ್‌ಗಳಲ್ಲಿ ಉಚಿತ ಪ್ರಯಾಣಕ್ಕೆ ಆದೇಶ ನೀಡಲಾಗಿದೆ. ನಿವೃತ್ತರಾಗಿರುವ ಪುರುಷ ನೌಕರರಿಗೆ ಉಚಿತ ಪಾಸ್‌ ಕೊಡುವುದರಿಂದ ಸಾರಿಗೆ ನಿಗಮಕ್ಕೆ ಹೆಚ್ಚಿನ ಹೊರ ಬೀಳುವುದಿಲ್ಲ. ಸರ್ಕಾರವು ನಮ್ಮ ಮನವಿ ಪರಿಗಣಿಸಬೇಕು ಎಂದು ಪ್ರಧಾನ ಕಾರ್ಯದರ್ಶಿ ಡಿ.ಎ.ವಿಜಯ್‌ ಭಾಸ್ಕರ್‌ ಮನವಿ ಮಾಡಿದ್ದಾರೆ.
