ಶನಿವಾರ, ಜೂನ್ 6, 2020
27 °C
ತೋಟದಿಂದ ಅಪಾರ್ಟ್‌ಮೆಂಟ್‌ ಸಮುಚ್ಚಯಕ್ಕೆ ನೇರವಾಗಿ ತಲುಪಲಿದೆ ಮಾವು

ಮಾವು ಖರೀದಿಗೆ ಬಿಎಎಫ್‍ನಿಂದ ಆನ್‍ಲೈನ್ ಸೇವೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಬೆಂಗಳೂರು: ಮಾವು ನೇರ ಖರೀದಿಗೆ ನೆರವಾಗಲು ಬೆಂಗಳೂರು ಅಪಾರ್ಟ್‍ಮೆಂಟ್ಸ್ ಸಮುಚ್ಚಯಗಳ ಒಕ್ಕೂಟವು (ಬಿಎಎಫ್) ಆನ್‍ಲೈನ್ ಸೇವೆ ಆರಂಭಿಸಿದೆ.

ಇದು ರಾಜ್ಯ ಮಾವು ಅಭಿವೃದ್ಧಿ ಮತ್ತು ಮಾರುಕಟ್ಟೆ ನಿಗಮದ ಸಹಭಾಗಿತ್ವದಲ್ಲಿ ಕಾರ್ಯನಿರ್ವಹಿಸಲಿದೆ. ಕೋಲಾರ, ರಾಮನಗರ, ಚಿಕ್ಕಬಳ್ಳಾಪುರ ಭಾಗಗಳಿಂದ ಕೊಯಿಲಿಗೆ ಬಂದಿರುವ ಮಾವಿಗೆ ಮಾರುಕಟ್ಟೆ ವಿಸ್ತರಿಸುವ ಉದ್ದೇಶದಿಂದ ಈ ವ್ಯವಸ್ಥೆ ಮಾಡಲಾಗಿದೆ.s

'ಬಿಎಎಫ್‍ನೊಂದಿಗೆ ನಿಗಮ ಲಿಂಕೇಜ್ ಮಾಡಿಕೊಂಡಿದೆ. ಅಪಾರ್ಟ್‍ಮೆಂಟ್ ಸಮುಚ್ಚಯಗಳ ನಿವಾಸಿಗಳು ನೇರವಾಗಿ ಆನ್‍ಲೈನ್ ಮೂಲಕ ತಮ್ಮಿಷ್ಟದ ಮಾವುಗಳು ಹಾಗೂ ಖರೀದಿ ಪ್ರಮಾಣವನ್ನು ನಮೂದಿಸಬಹುದು. ತಮ್ಮ ವಿಳಾಸ ಹಾಗೂ ಮಾವು ಬೇಕಿರುವ ದಿನಾಂಕವನ್ನು ನಮೂದಿಸಿದರೆ, ಇದರ ಮಾಹಿತಿ ನಿಗಮಕ್ಕೆ ರವಾನೆಯಾಗಲಿದೆ. ಬೇಡಿಕೆಯ ಮಾಹಿತಿಯನ್ನು ರೈತರಿಗೆ ತಲುಪಿಸಿ, ನೇರವಾಗಿ ಅಪಾರ್ಟ್‍ಮೆಂಟ್ ಸಮುಚ್ಚಯಗಳ ಬಳಿಗೆ ಮಾವು ತಲುಪಿಸಲಾಗುವುದು' ಎಂದು ರಾಜ್ಯ ಮಾವು ಅಭಿವೃದ್ಧಿ ಮತ್ತು ಮಾರುಕಟ್ಟೆ ನಿಗಮದ ವ್ಯವಸ್ಥಾಪಕ ನಿರ್ದೇಶಕ ಸಿ.ಜಿ.ನಾಗರಾಜ್ ತಿಳಿಸಿದರು.

ಬಾದಾಮಿ, ರಸಪುರಿ, ಸೇಂದೂರ, ತೋತಾಪುರಿ, ಆಲ್ಫೋನ್ಸೋ, ಬಂಗನ್‍ಪಲ್ಲಿ, ಮಲಗೋಬಾ, ಮಲ್ಲಿಕಾ, ನಾಟಿ, ಕಲಪಾಡು, ಕೇಸರ್, ಸಕ್ಕರೆಗುತ್ತಿ ತಳಿಗಳ ಮಾವುಗಳು ಖರೀದಿಗೆ ಲಭ್ಯ.

ಮಾವು ಖರೀದಿಸುವವರು https://forms.gle/FAdsZwhKmnQbUWiE7 ಅಥವಾ ಇಮೇಲ್ ksmdmc@gmail.com ಅನ್ನು ಸಂಪರ್ಕಿಸಬಹುದು.

 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು