ಬುಧವಾರ, ಜುಲೈ 15, 2020
22 °C

ಆರ್‌.ಕೆ. ಟ್ರಸ್ಟ್‌ನಿಂದ 10 ಲಕ್ಷ ಪರಿಸರಸ್ನೇಹಿ ಮಾಸ್ಕ್‌ ವಿತರಣೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಬೆಂಗಳೂರು: ಕೊರೊನಾ ಸೋಂಕು ವ್ಯಾಪಕವಾಗಿ ಹರಡುತ್ತಿರುವುದನ್ನು ತಡೆಯಲು ಮುಂಚೂಣಿಯಲ್ಲಿ ನಿಂತು ಕೆಲಸ ಮಾಡುತ್ತಿರುವ ಬಿಬಿಎಂಪಿ ಸಿಬ್ಬಂದಿ, ಪೊಲೀಸರು ಹಾಗೂ ಆರೋಗ್ಯ ವಲಯದ ಕಾರ್ಯಕರ್ತರಿಗೆ ಜವಳಿ ವ್ಯಾಪಾರಿ ರಮೇಶ್‌ ಕುಮಾರ್ ಶಾ ನೇತೃತ್ವದ ಆರ್‌.ಕೆ. ಟ್ರಸ್ಟ್‌ ‘ಮಾಸ್ಕ್‌ ಇಂಡಿಯಾ’ ಕಾರ್ಯಕ್ರಮಡಿ 10 ಲಕ್ಷ ಮಾಸ್ಕ್‌ಗಳನ್ನು ಉಚಿತವಾಗಿ ವಿತರಿಸಿದೆ.

ಅಲ್ಲದೆ ಕಂಟೈನ್‌ಮೆಂಟ್‌ ವಲಯಗಳು, ಜನದಟ್ಟಣೆ ಪ್ರದೇಶಗಳು, ಅಸಕ್ತ, ಅಸಹಾಯಕ ಜನ ನೆಲೆಸಿದ ಸ್ಥಳಗಳು, ರೈಲುಗಳ ಮೂಲಕ ತವರಿಗೆ ಹೊರಟ ವಲಸೆ ಕಾರ್ಮಿಕರಿಗೆ ಮಾಸ್ಕ್‌ಗಳನ್ನು ಟ್ರಸ್ಟ್‌ ನೀಡಿದೆ. ಪರಿಸರಸ್ನೇಹಿ ಮಾಸ್ಕ್‌ಗಳನ್ನು ವಿತರಿಸಿರುವ ಟ್ರಸ್ಟ್, ಕೊರೊನಾ ವಿರುದ್ಧದ ಹೋರಾಟದಲ್ಲಿ ರಾಜ್ಯ ಸರ್ಕಾರದ ಜೊತೆ ಕೈಜೋಡಿಸಿದೆ.

ರಾಜಸ್ಥಾನದವರಾದ ಶಾ, 40 ವರ್ಷಗಳಿಂದ ಬೆಂಗಳೂರಿನಲ್ಲಿ ಜವಳಿ ವ್ಯಾಪಾರದಲ್ಲಿ ತೊಡಗಿಸಿಕೊಂಡಿದ್ದಾರೆ. ‘ನಾವೀಗ ಕೊರೊನಾ ಜೊತೆಗೇ ಬದುಕಬೇಕಿದೆ. ಹೀಗೆ, ಬದುಕುವ ಸಂದರ್ಭದಲ್ಲಿ ಮಾಸ್ಕ್‌ ಧರಿಸುವುದು ಅನಿವಾರ್ಯವೂ ಹೌದು. ಇದನ್ನು ಗಮನದಲ್ಲಿಟ್ಟು, ಜನಸಾಮಾನ್ಯರಿಗೆ ನೆರವಾಗುವ ಉದ್ದೇಶದಿಂದ ಮಾಸ್ಕ್‌ ಹಂಚಲು ನಿರ್ಧರಿಸಿದೆ’ ಎಂದರು.

‘ನಗರದಲ್ಲಿರುವ ಎಂಟು ಗಾರ್ಮೆಂಟ್ಸ್‌ ಕಂಪನಿಗಳಲ್ಲಿ ಉತ್ತಮ ದರ್ಜೆಯ ಹತ್ತಿ ಬಟ್ಟೆಗಳನ್ನು ಬಳಸಿ, ವೈದ್ಯರ ಸಲಹೆಯಂತೆ ಈ ಮಾಸ್ಕ್‌ಗಳನ್ನು ವಿಶೇಷವಾಗಿಸಿದ್ಧಪಡಿಸಲಾಗಿದೆ. ಇವುಗಳನ್ನು ತೊಳೆದು ಮತ್ತೆ ಬಳಸಬಹುದು. ರೈಲ್ವೆ ಭದ್ರತಾ ಪಡೆ ಸಿಬ್ಬಂದಿ, ಮಲ್ಲೇಶ್ವರದಲ್ಲಿರುವ ಕೆ.ಸಿ. ಜನರಲ್‌ ಆಸ್ಪತ್ರೆ ಮತ್ತಿತರ ಕಡೆಗಳಲ್ಲೂ ಮಾಸ್ಕ್‌ ಹಂಚಿದ್ದೇವೆ‘ ಎಂದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು