ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಮೊಬೈಲ್ ಹ್ಯಾಕ್: ಸ್ನೇಹಿತರಿಗೆ ಅಶ್ಲೀಲ ಫೋಟೊ ರವಾನೆ

Last Updated 6 ಆಗಸ್ಟ್ 2020, 22:28 IST
ಅಕ್ಷರ ಗಾತ್ರ

ಬೆಂಗಳೂರು: ಮಹಿಳೆಯೊಬ್ಬರ ಮೊಬೈಲ್ ಹ್ಯಾಕ್ ಮಾಡಿ, ಸ್ನೇಹಿತರಿಗೆ ಮಹಿಳೆಯ ನಂಬರ್‌ನಿಂದ ಅಶ್ಲೀಲ ಫೋಟೊ ರವಾನೆ ಮಾಡಿರುವ ಸಂಬಂಧ ಬೆಂಗಳೂರು ದಕ್ಷಿಣ ವಿಭಾಗದ ಸೆನ್‌ (ಸೈಬರ್‌ ಅಪರಾಧ) ಠಾಣೆಯಲ್ಲಿ ದೂರು ದಾಖಲಾಗಿದೆ.

ಬಸವನಗುಡಿ ನಿವಾಸಿ ಯಾಗಿರುವ 36 ವರ್ಷದ ಮಹಿಳೆ ತನ್ನ ಸ್ನೇಹಿತರೊಂದಿಗೆ ವಾಟ್ಸ್ಆ್ಯಪ್ ಗ್ರೂಪ್ ಮಾಡಿಕೊಂಡಿದ್ದರು. ಅದರಲ್ಲಿ ಈ ಮಹಿಳೆ ಅಡ್ಮಿನ್ ಆಗಿದ್ದರು. ಇತ್ತೀಚೆಗೆ ಅಪರಿಚಿತರೊಬ್ಬರು ಮಹಿಳೆಗೆ ಕರೆ ಮಾಡಿದ್ದರು. ಒಂದು ಲಿಂಕ್ ಕಳಿಸಿದ್ದು, ಅದನ್ನು ತೆರೆಯುವಂತೆ ಹೇಳಿದ್ದರು. ಲಿಂಕ್ ತೆರೆದ ಕೂಡಲೇ ಮಹಿಳೆಯ ನಂಬರ್ ಹ್ಯಾಕ್ ಆಗಿದೆ.

ಇದಾದ ಬಳಿಕ ಗ್ರೂಪ್‍ನಲ್ಲಿದ್ದ ಎಲ್ಲರಿಗೂ ಮಹಿಳೆಯ ನಂಬರ್‌ನಿಂದ ಅಶ್ಲೀಲ ಚಿತ್ರಗಳು ಹಾಗೂ ವಿಡಿಯೊಗಳನ್ನು ರವಾನಿ ಸಿದ್ದಾರೆ. ಅದೇ ನಂಬರ್‌ನಿಂದ ಸ್ನೇಹಿತರಿಗೆ 'ನಿಮ್ಮ ಹಾಟ್ ಪೋಟೊಗಳನ್ನು ಕಳಿಸಿ. ಪ್ರತಿ ಚಿತ್ರಕ್ಕೆ ಹಣ ನೀಡುತ್ತೇವೆ' ಎಂಬ ವೈಯಕ್ತಿಕ ಸಂದೇಶಗಳನ್ನೂ ಕಳಿಸಿದ್ದಾರೆ.ಇದರಿಂದ ಬೇಸತ್ತ ಮಹಿಳೆಯು ಪೊಲೀಸರಿಗೆ ದೂರು ನೀಡಿದ್ದಾರೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT