‘ಕೋತಿಗಳ ಸ್ಥಳಾಂತರ ವ್ಯರ್ಥ ಪ್ರಯತ್ನ’

ಪಿಎಫ್‌ಎ ವೈಲ್ಡ್‌ಲೈಫ್‌ ಆಸ್ಪತ್ರೆಯು ಬೆಂಗಳೂರು ಇಂಟರ್‌ನ್ಯಾಷನಲ್‌ ಸೆಂಟರ್‌ನಲ್ಲಿ ಶನಿವಾರ ಆಯೋಜಿಸಿದ್ದ ‘ಲಿವಿಂಗ್‌ ವಿತ್‌ ವೈಲ್ಡ್‌’ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

‘ಕಾಡು ಪ್ರಾಣಿಗಳನ್ನು ನಗರದಿಂದ ಹೊರದೂಡಿದರೆ, ಹೂವು ಮತ್ತು ಪರಿಶುದ್ಧ ಗಾಳಿಯನ್ನು ಹೊರದೂಡಿದಂತೆ. ಕೋತಿಗಳನ್ನು ಹಿಡಿದು ಸ್ಥಳಾಂತರ ಮಾಡಲು ಕೋಟಿಗಟ್ಟಲೆ ಖರ್ಚು ಮಾಡಲಾಗಿದೆ. ಆದರೆ, ನೀವು ಎಷ್ಟೇ ದೂರ ಕೊಂಡೊಯ್ದು ಬಿಟ್ಟರೂ ಅವು ಮತ್ತೆ ಹಿಂದಿರುಗುತ್ತಿವೆ. ಹೀಗಾಗಿ ಅವುಗಳನ್ನು ಸ್ಥಳಾಂತರ ಮಾಡುವ ವ್ಯರ್ಥ ಪ್ರಯತ್ನಕ್ಕೆ ಕೈ ಹಾಕಬಾರದು’ ಎಂದರು.

‘ಬೆಂಗಳೂರಿನಲ್ಲಿ ಮಂಗಗಳು, ಜಿಂಕೆಗಳು, ವಿವಿಧ ಜಾತಿಯ ಪಕ್ಷಿಗಳು, ಹಲ್ಲಿಗಳಿವೆ. ಇಲಿಗಳಿಗೂ ಆಶ್ರಯ ನೀಡಿರುವ ಬೆಂಗಳೂರಿನ ಜನರಿಗೆ ಧನ್ಯವಾದಗಳು’ ಎಂದರು.

ಪರಿಸರ ವಾದಿ ಲಿಯೊ ಸಲ್ಡಾನ ಮಾತನಾಡಿ, ‘ಪಶ್ಚಿಮ ಬಂಗಾಳದಲ್ಲಿ ಆನೆಗಳು ರೈಲಿಗೆ ಸಿಲುಕಿ ಸಾಯುತ್ತಿವೆ. ಮನುಷ್ಯ ಮಾಡಿಕೊಂಡಿರುವ ನಿಯಮಗಳನ್ನು ಪ್ರಾಣಿಗಳು ಪಾಲಿಸಬೇಕೆ? ಈ ರೀತಿಯ ಸೂಕ್ಷ್ಮತೆಗಳನ್ನು
ಅರಣ್ಯ ಇಲಾಖೆ ಗಮನಿಸಬೇಕು’ ಎಂದರು.

‌ಚರ್ಚೆಯಲ್ಲಿ ಭಾಗವಹಿಸಿದ್ದ ಪ್ರಧಾನ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ ಸಂಜಯ್ ಮೋಹನ್, ‘ಅರಣ್ಯ ಇಲಾಖೆಯು ವನ್ಯಜೀವಿಗಳ ವಿಷಯದಲ್ಲಿ ಸೂಕ್ಷ್ಮತೆಗಳನ್ನು ಗಮನಿಸಿಕೊಂಡೇ ಕೆಲಸ ಮಾಡುತ್ತಿದೆ’ ಎಂದು ಸಮರ್ಥಿಸಿಕೊಂಡರು.