ಬುಧವಾರ, ಆಗಸ್ಟ್ 21, 2019
25 °C

ಅಭಿವೃದ್ಧಿಯಲ್ಲಿ ಸಂಶೋಧನೆ ಪಾತ್ರ ಮಹತ್ವದ್ದು:ಪ್ರೊ. ಸುರೇಶ್‌

Published:
Updated:
Prajavani

ಬೆಂಗಳೂರು: ‘ಯಾವುದೇ ದೇಶ ಅಭಿವೃದ್ಧಿ ಪಥದತ್ತ ಸಾಗಬೇಕಾದರೆ ಅನ್ವೇಷಣೆ ಮತ್ತು ಸಂಶೋಧನೆಗಳ ಪಾತ್ರ ಮಹತ್ವದ್ದಾಗಿರುತ್ತದೆ’ ಎಂದು ಇಸ್ರೊ ಬೆಂಗಳೂರು ವಿಭಾಗದ ಗೌರವ ಉಪನ್ಯಾಸಕ ಪ್ರೊ. ಬಿ.ಎನ್. ಸುರೇಶ್‌ ಅಭಿಪ್ರಾಯಪಟ್ಟರು.

ರಾಮಯ್ಯ ಆನ್ವಯಿಕ ವಿಜ್ಞಾನಗಳ ವಿಶ್ವವಿದ್ಯಾಲಯದ ವತಿಯಿಂದ ಹಮ್ಮಿಕೊಂಡಿದ್ದ ಪದವಿಪೂರ್ವ ತರಗತಿಗಳ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ‘ಶಿಕ್ಷಣವು ಜೀವನದಲ್ಲಿ ಎದುರಾಗುವ ಸಮಸ್ಯೆ ಮತ್ತು ಸವಾಲುಗಳನ್ನು ಎದುರಿಸಲು ಸಹಕಾರಿಯಾಗುತ್ತದೆ. ಜ್ಞಾನ ಸಂಪಾ ದಿಸಿದರೆ ಸಾಲದು. ಸಮಾಜಕ್ಕೆ ಕೊಡು ಗೆಯನ್ನೂ ನೀಡಬೇಕು’ ಎಂದರು. 

‘ಭಾರತ ಬಲಿಷ್ಠ ರಾಷ್ಟ್ರವಾಗಿ ಜಗತ್ತಿನಲ್ಲಿ ತಲೆ ಎತ್ತಿ ನಿಲ್ಲುವಂತಾಗಬೇಕು ಎಂದು ಡಾ. ಅಬ್ದುಲ್‌ ಕಲಾಂ ಹೇಳುತ್ತಿದ್ದರು. ಅದನ್ನು ಸಾಕಾರಗೊಳಿಸುವುದು ಇಂದಿನ ಯುವಸಮೂಹದ ಕೈಯಲ್ಲಿದೆ’ ಎಂದು ಅವರು ಹೇಳಿದರು. 

ರಾಮಯ್ಯ ವಿಶ್ವವಿದ್ಯಾಲಯದ ಕುಲಪತಿ ಡಾ. ಶಿವಗುರು ಶ್ರೀಧರನ್‌, ಕುಲಸಚಿವರಾದ ಡಾ.ಕೆ. ಪುಷ್ಪಾ ಹಾಗೂ ಪ್ರೊ. ಗೋವಿಂದ ಕಡಂಬಿ ಉಪಸ್ಥಿತರಿದ್ದರು. 

Post Comments (+)