ಶೃಂಗೇರಿ ಶಾರದಾ ಮಠಕ್ಕೆ ದೇವೇಗೌಡ ಭೇಟಿ

‘ರಾಜ್ಯದಲ್ಲಿ ಮುಂಬರುವ ವಿಧಾನಸಭಾ ಚುನಾವಣೆಯಲ್ಲಿ ಜೆಡಿಎಸ್ ಅಧಿಕಾರ ಚುಕ್ಕಾಣಿ ಹಿಡಿಯಬೇಕಿದೆ. ತಾವು ನಮ್ಮನ್ನು ಆಶೀರ್ವದಿಸಬೇಕು’ ಎಂದು ದೇವೇಗೌಡರು ಸ್ವಾಮೀಜಿ ಅವರನ್ನು ಕೇಳಿದರು. ಮಠದ ಎಲ್ಲ ಭಕ್ತರಿಗೆ ಶಾರದಾಂಬೆಯ ಅನುಗ್ರಹ ನಿರಂತರವಾಗಿರುತ್ತದೆ ಎಂದು ಗುರುಗಳು ಈ ಸಂದರ್ಭದಲ್ಲಿ ಹೇಳಿದರು. ಬಳಿಕ ಗುರು ನಿವಾಸದಲ್ಲಿ ಭಾರತಿತೀರ್ಥ ಸ್ವಾಮೀಜಿ ಹಾಗೂ ವಿಧುಶೇಖರಭಾರತೀ ಸ್ವಾಮೀಜಿ ಅವರ ಒಟ್ಟಿಗೆ ಇರುವ ಪೋಟೋವನ್ನು ದೇವೇಗೌಡರು ನೋಡಿ, ‘ಇದು ನನ್ನೊಂದಿಗೆ ಇದ್ದರೆ ನಿಮ್ಮ ಆಶೀರ್ವಾದ ಸದಾ ನನ್ನ ಮೇಲೆ ಇರುತ್ತದೆ’ ಎಂದು ಹೇಳಿ ಪೋಟೋವನ್ನು ಗುರುಗಳಿಂದ ಕೇಳಿ ಪಡೆದರು.

ನಂತರ ಶಾರದಾಂಬೆ, ತೋರಣ ಗಣಪತಿ, ಬೆಟ್ಟದ ಮಲಹಾನಿಕರೇಶ್ವರ, ಕಾಳಿಕಾಂಬ, ತೋರಣ ಗಣಪತಿ, ದೇವಾಲಯಗಳಿಗೂ ದೇವೇಗೌಡರು ಭೇಟಿ ನೀಡಿದರು.ಶೃಂಗೇರಿ ಕ್ಷೇತ್ರದ ಜೆಡಿಎಸ್ ಅಭ್ಯರ್ಥಿ ಎಚ್.ಜಿ.ವೆಂಕಟೇಶ್, ಕ್ಷೇತ್ರ ಪ್ರಚಾರ ಸಮಿತಿ ಅಧ್ಯಕ್ಷ ವಸಂತ ಕುಮಾರ್, ರಾಜ್ಯ ಜೆಡಿಎಸ್ ಉಪಾಧ್ಯಕ್ಷೆ ಪುಪ್ಪಾ ಲಕ್ಷ್ಮೀನಾರಾಯಣ್, ಜೆಡಿಎಸ್‌ ಜಿಲ್ಲಾ ಘಟಕದ ಅಧ್ಯಕ ರಂಜನ್ ಅಜಿತ್‌ ಕುಮಾರ್, ಕ್ಷೇತ್ರಾಧ್ಯಕ್ಷ ದಿವಾಕರ ಭಟ್, ತಾಲ್ಲೂಕು ಜೆಡಿಎಸ್ ಘಟಕದ ಅಧ್ಯಕ್ಷ ಜಿ.ಜಿ.ಮಂಜುನಾಥ್, ಜೆಡಿಎಸ್ ವಕ್ತಾರ ಹೆಗ್ಗದ್ದೆ ಶಿವಾನಂದ ಹಾಜರಿದ್ದರು.