ಬೆಂಗಳೂರು: ನಮ್ಮ ಮೆಟ್ರೊ ಎರಡನೇ ಹಂತದ ವಿಸ್ತರಣೆ ಮಾರ್ಗಕ್ಕೆ ಕಂಟೋನ್ಮೆಂಟ್ ನಿಲ್ದಾಣದಿಂದ ಪಾಟರಿ ಟೌನ್ ತನಕ ಸುರಂಗ ಕೊರೆದ ಊರ್ಜಾ ಟಿಬಿಎಂ(ಟನಲ್ ಬೋರಿಂಗ್ ಮಷಿನ್ ) ಗುರಾವಾರ ಹೊರ ಬಂದಿದೆ.
2021ರ ಡಿಸೆಂಬರ್ 22 ರಂದು ಕಾಮಗಾರಿ ಆರಂಭಿಸಲಾಗಿತ್ತು. ಆರು ತಿಂಗಳಲ್ಲಿ 900 ಮೀಟರ್ ಸುರಂಗ ಕೊರೆಯುವಲ್ಲಿ 'ಊರ್ಜಾ' ಯಶಸ್ವಿಯಾಗಿದೆ.
ಇದಕ್ಕೂ ಮೊದಲು 2020ರ ಜುಲೈನಲ್ಲಿ ಕಂಟೋನ್ಮೆಂಟ್ ಬಳಿ ನೆಲದಡಿ ಸೇರಿದ್ದ 'ಊರ್ಜಾ’ ಯಂತ್ರ ಶಿವಾಜಿನಗರ ನಿಲ್ದಾಣದ ತನಕ 855 ಮೀಟರ್ ಸುರಂಗವನ್ನು ಕೊರೆದಿತ್ತು. 2021ರ ಸೆಪ್ಟೆಂಬರ್ 22ರಂದು ಹೊರಕ್ಕೆ ಬಂದಿತ್ತು. ಬಳಿಕ ಈ ಯಂತ್ರ ಡಿಸೆಂಬರ್ 22ರಂದು ಕಂಟೋನ್ಮೆಂಟ್ ನಿಲ್ದಾಣದ ಬಳಿ ನೆಲದಡಿ ಸೇರಿತ್ತು.
