ನವದೆಹಲಿ: ಪಾಕಿಸ್ತಾನ, ಬಾಂಗ್ಲಾದೇಶ ಮತ್ತು ಚೀನಾ ಗಡಿಯಲ್ಲಿ ಭದ್ರತಾ ವ್ಯವಸ್ಥೆ ಬಲಪಡಿಸಲು ಮುಂದಾಗಿರುವ ಕೇಂದ್ರ ಸರ್ಕಾರ ಒಟ್ಟು 15 ಹೊಸ ಬಟಾಲಿಯನ್ ಸ್ಥಾಪಿಸಲು ಒಪ್ಪಿಗೆ ನೀಡಿದೆ.
ಸಿಬ್ಬಂದಿ ನೇಮಕಾತಿ ಮತ್ತು ಮೂಲಸೌಕರ್ಯ ಕಲ್ಪಿಸುವ ಮೂಲಕ ಚೀನಾ ಗಡಿಯಲ್ಲಿರುವ ಇಂಡೋ–ಟಿಬೇಟಿಯನ್ ಬಾರ್ಡರ್ ಪೊಲಿಸ್(ಐಟಿಬಿಪಿ) ಪಡೆಯನ್ನು ಬಲಪಡಿಸಲು ನಿರ್ಧರಿಸಿದೆ.
ಕಳೆದ ತಿಂಗಳು ನಡೆದ ಸಭೆಯಲ್ಲಿ ಕೇಂದ್ರ ಗೃಹ ಸಚಿವಾಲಯವು ಅರುಣಾಚಲ ಪ್ರದೇಶ ಮತ್ತು ಲಡಾಖ್ ವಲಯದಲ್ಲಿ 9 ಸಾವಿರ ಸಿಬ್ಬಂದಿಯನ್ನು ಹೊಂದಿರುವ 9 ಹೊಸ ಐಟಿಬಿಪಿ ಬಟಾಲಿಯನ್ ಸ್ಥಾಪನೆಗೆ ತಾತ್ವಿಕ ಒಪ್ಪಿಗೆ ನೀಡಿದೆ. ಉಳಿದ ಆರು ಬಟಾಲಿಯನ್ಗಳು ಗಡಿ ಭದ್ರತಾ ಪಡೆಗೆ ಸೇರಲಿವೆ.
ಭಾರತ–ಚೀನಾ ನಡುವಿನ 3,488 ಕಿ.ಮೀ ಗಡಿಯಲ್ಲಿ ಮುಂದಿನ ಕೆಲವು ವರ್ಷಗಳಲ್ಲಿ ಹೊಸದಾಗಿ 47 ಗಡಿಠಾಣೆ, 12 ಕ್ಯಾಂಪ್ ತಲೆ ಎತ್ತಲಿವೆ.
ಈಶಾನ್ಯ ರಾಜ್ಯಗಳಲ್ಲಿ ಐಟಿಬಿಪಿ ವಲಯ ಪ್ರಧಾನ ಕಚೇರಿ ತೆರೆಯಲು ಅನುಮೋದನೆ ನೀಡಿದೆ.