ಸ್ವಾತಂತ್ರ್ಯ ಉದ್ಯಾನದಲ್ಲಿ ಪ್ರತಿಭಟನೆ: ವಿಪರೀತ‌ ದಟ್ಟಣೆ, ಸಾಲುಗಟ್ಟಿ ನಿಂತ ವಾಹನ

ಅಂಗನವಾಡಿ ಕಾರ್ಯಕರ್ತೆಯರು- ಸಹಾಯಕಿಯರ ಒಕ್ಕೂಟ, ಬಿಸಿಯೂಟ ತಯಾರಕರ ಒಕ್ಕೂಟ ಸೇರಿ‌ ಹಲವು ಸಂಘಟನೆಗಳು ಪ್ರತಿಭಟನೆ ಆರಂಭಿಸಿವೆ.

ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ ರೈಲು‌ ನಿಲ್ದಾಣದಿಂದ ಪ್ರತಿಭಟನಕಾರರು ಮೆರವಣಿಗೆಯನ್ನೂ ನಡೆಸಿದರು. ಇದರಿಂದ ಮೇಲ್ಸೇತುವೆಯಲ್ಲಿ ವಾಹನಗಳ ಓಡಾಟ ನಿರ್ಬಂಧಿಸಲಾಗಿತ್ತು.

ಇದರಿಂದ ವಾಹನಗಳು ನಿಂತಲೇ ನಿಲ್ಲಬೇಕಾಗಿದೆ. ಮೆಜೆಸ್ಟಿಕ್, ಶೇಷಾದ್ರಿಪುರ, ಗಾಂಧಿನಗರ, ಕೆಂಪೇಗೌಡ ರಸ್ತೆ, ಕೆ.ಆರ್. ವೃತ್ತ ಹಾಗೂ ಸುತ್ತಮುತ್ತ ದಟ್ಟಣೆ ಇದೆ.

'ಸಾಲು ಸಾಲು ಪ್ರತಿಭಟನೆಯಿಂದಾಗಿ ಕೆಲ ದಿನಗಳಿಂದ ನಿತ್ಯವೂ ದಟ್ಟಣೆ ಉಂಟಾಗುತ್ತಿದ್ದು, ಜನ ಸಮಾನ್ಯರು ಪರದಾಡುವಂತಾಗಿದೆ' ಎಂದು ದಟ್ಟಣೆಯಲ್ಲಿ ಸಿಲುಕಿರುವ ಆಟೊ ಚಾಲಕ ರಾಮು ಹೇಳಿದರು.