ಕೋವಿಡ್‌–19: ಶಿಷ್ಟಾಚಾರ ರೂಪಿಸುತ್ತಿರುವ ಸರ್ಕಾರ

‘ಫಿವರ್ ಕ್ಲಿನಿಕ್‍ಗಳಿಂದ ಹಿಡಿದು, ಕೋವಿಡ್ ಆಸ್ಪತ್ರೆಗಳಲ್ಲಿ ತೀವ್ರನಿಗಾ ಘಟಕಗಳವರೆಗೆ ಆರೋಗ್ಯ ಸೌಲಭ್ಯಗಳು ತಡೆರಹಿತವಾಗಿ ಮತ್ತು ಸರಾಗವಾಗಿ ನಡೆಯಲು ಅಗತ್ಯವಾಗುವ ಸಿಬ್ಬಂದಿಯ ಪಾತ್ರ ಏನಿರಬೇಕು, ಅವರಿಗೆ ಯಾವ ಜವಾಬ್ದಾರಿ ವಹಿಸಬೇಕು ಎಂಬ ಬಗ್ಗೆ ಚರ್ಚಿಸಿ, ಶಿಷ್ಟಾಚಾರ ರೂಪಿಸಲಾಗುತ್ತಿದೆ’ ಎಂದು ಇಲಾಖೆಯ ಆಯುಕ್ತ ಪಂಕಜ್‌ಕುಮಾರ್ ಪಾಂಡೆ ತಿಳಿಸಿದರು.

‘ರೋಗಿಗಳಿಗೆ ಪರೀಕ್ಷೆ ಮತ್ತು ಮೂರನೇ ಹಂತದ ಸೌಲಭ್ಯಗಳಿಗೆ ಶಿಫಾರಸು ಮಾಡಲಾಗುವುದು. ಹೆಚ್ಚಿನ ಪ್ರಕರಣಗಳು ಕಂಡುಬಂದ ವೇಳೆ ನೆರವಿಗೆ ಧಾವಿಸುವ ಸ್ವಯಂ ಸೇವಕರ ಪಟ್ಟಿ ಮಾಡಲು ಕೂಡ ಸರ್ಕಾರ ಯೋಜಿಸಿದೆ. ಈ ಕಾರ್ಯಗಳನ್ನು ನಡೆಸಲು ಅವರಿಗೆ ತರಬೇತಿ ಕಾರ್ಯಕ್ರಮಗಳನ್ನು ಅಭಿವೃದ್ಧಿಪಡಿಸಲಾಗುತ್ತಿದೆ. ನಂತರದ ಪರೀಕ್ಷೆಗಳನ್ನು ನಿಭಾಯಿಸಲು ಸಮುದಾಯ ನಿರ್ವಹಣಾ ತಂಡಗಳೊಂದಿಗೆ ಕೈಗೂಡಿಸಲು ಶಿಷ್ಟಾಚಾರಗಳು ಅವಕಾಶ ಮಾಡಿಕೊಡುತ್ತವೆ’ ಎಂದು ತಿಳಿಸಿದರು.