ಬೆಂಗಳೂರು ನಗರದಲ್ಲಿ ತಂಪೆರೆದ ಮಳೆ

ಕೆಲವು ದಿನಗಳಿಂದ ಮಳೆಯಿಲ್ಲದೇ ಬಿಸಿಲಿನ ವಾತಾವರಣ ಕಂಡುಬಂದಿತ್ತು. ಉಷ್ಣಾಂಶವು ಏರಿಕೆಯಾಗಿತ್ತು. ಶನಿವಾರ ಬೆಳಿಗ್ಗೆಯಿಂದಲೂ ಮೋಡ ಕವಿದ ವಾತಾವರಣ ಇತ್ತು. ಮಧ್ಯಾಹ್ನದ ವೇಳೆಗೆ ಅಲ್ಲಲ್ಲಿ ಬಿರುಸಿನ ಮಳೆ ಸುರಿಯಿತು.

ಶೇಷಾದ್ರಿಪುರಂ, ಮಲ್ಲೇಶ್ವರ, ರಾಜಾಜಿನಗರ, ಮಹಾಲಕ್ಷ್ಮಿಲೇಔಟ್‌, ಯಶವಂತಪುರ, ಸುಂಕದಕಟ್ಟೆ, ಸದಾಶಿವನಗರ, ಆರ್‌ಟಿ ನಗರ, ವಸಂತನಗರ, ಎಂಜಿ ರಸ್ತೆ, ಟ್ರಿನಿಟಿ, ಅಶೋಕ ನಗರ, ಹಲಸೂರು ಭಾಗದಲ್ಲಿ ಮಳೆಯಾಗಿದೆ. ಮಳೆಯಿಂದ ರಕ್ಷಣೆ ಪಡೆಯಲು ಪಾದಚಾರಿಗಳು ಕೊಡೆಯ ರಕ್ಷಣೆ ಹೋಗಿದ್ದರು.

ಬ್ಯಾಟರಾಯನಪುರ, ಪೀಣ್ಯ ಕೈಗಾರಿಕಾ ವಲಯ, ಜಾಲಹಳ್ಳಿ, ಯಲಹಂಕ, ಕೆಂಗೇರಿ ಸೇರಿದಂತೆ ನಗರದ ಕೆಲವು ಭಾಗದಲ್ಲಿ ಸಾಧಾರಣ ಮಳೆಯಾಗಿದೆ.