ಬೆಂಗಳೂರು: ಕಾನೂನುಬಾಹಿರವಾಗಿ ಸೇವೆ ನೀಡುತ್ತಿರುವ ರ್ಯಾಪಿಡೊ ಮತ್ತು ಪೋರ್ಟರ್ ಆ್ಯಪ್ ಆಧಾರಿತ ಸಂಸ್ಥೆಗಳ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಬೇಕು ಎಂದು ನಮ್ಮ ಚಾಲಕರ ಟ್ರೇಡ್ ಯೂನಿಯನ್ ಆಗ್ರಹಿಸಿದೆ.
ಸೋಮವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಯೂನಿಯನ್ ಅಧ್ಯಕ್ಷ ಬಿ.ಎನ್. ರವಿಕುಮಾರ್, ‘ರಾಜ್ಯದಾದ್ಯಂತ ಚಾಲಕರು ವಾಣಿಜ್ಯ ಬಳಕೆ ವಾಹನಗಳ ಮೂಲಕ ಸಾರ್ವಜನಿಕರಿಗೆ ಸೇವೆ ನೀಡುತ್ತಿದ್ದಾರೆ. ಅನಧಿಕೃತ ಬೈಕ್ ಟ್ಯಾಕ್ಸಿ ಮತ್ತು ಪೋರ್ಟರ್ ಸಂಸ್ಥೆಗಳಿಂದ ಆಟೊ ಮತ್ತು ಗೂಡ್ಸ್ ವಾಹನಗಳ ಮಾಲೀಕರಿಗೆ ನಷ್ಟವಾಗುತ್ತಿದೆ. ಅನಧಿಕೃತವಾಗಿ ಬೈಕ್ ಟ್ಯಾಕ್ಸಿ (ವೈಟ್ ಬೋರ್ಡ್) ಮೂಲಕ ಪ್ರತಿದಿನ 80 ಸಾವಿರ ಬುಕ್ಕಿಂಗ್ ಸೇವೆ ನೀಡುತ್ತಿವೆ’ ಎಂದು ದೂರಿದರು.
ನಗರದಲ್ಲಿ ಸಿಎನ್ಜಿ ಅನಿಲ ಸ್ಟೇಷನ್ ಮತ್ತು ಬಂಕ್ಗಳಲ್ಲಿ ಹಲವು ಸಮಸ್ಯೆೆಗಳಿವೆ. ಒಂದು ಸ್ಟೇಷನ್ನಲ್ಲಿ ಗರಿಷ್ಠ ಎರಡರಿಂದ ಮೂರು ಪಾಯಿಂಟ್ಗಳಿವೆ. ಇದರಲ್ಲಿ ಒಂದು ಪಾಯಿಂಟ್ ಹಾಳಾದರೆ, ಗಂಟೆಗಟ್ಟಲೇ ಸರದಿ ಸಾಲಿನಲ್ಲಿ ಆಟೊ ಚಾಲಕರು ಕಾಯಬೇಕಾಗಿದೆ. ಆದ್ದರಿಂದ ಸಿಎನ್ಜಿ ಬಂಕ್ಗಳ ಸಂಖ್ಯೆೆ ಹೆಚ್ಚಿಸಬೇಕು ಎಂದು ಒತ್ತಾಯಿಸಿದರು.
