ಹಳೆಯ ರೈಲು ನಿಲ್ದಾಣ ಮರು ನಿರ್ಮಾಣ

ದೊಡ್ಡಜಾಲ, ದೇವನಹಳ್ಳಿ, ಆವತಿಹಳ್ಳಿ ಮತ್ತು ನಂದಿ ನಿಲ್ದಾಣಗಳನ್ನು ನವೀಕರಣ, ಮರು ನಿರ್ಮಾಣ ಮತ್ತು ಸಂರಕ್ಷಣೆಗೆ ಇಂಡಿಯನ್ ನ್ಯಾಷನಲ್ ಟ್ರಸ್ಟ್ ಫಾರ್ ಆರ್ಟ್ ಆ್ಯಂಡ್ ಕಲ್ಚರಲ್ ಹೆರಿಟೇಜ್ (ಇಂಟೆಕ್‌) ಜತೆ ಒಪ್ಪಂದಕ್ಕೆ ನೈರುತ್ಯ ರೈಲ್ವೆ ಸಹಿ ಹಾಕಿದೆ. ಈ ನಿಲ್ದಾಣಗಳಲ್ಲಿ ಕೆಲವು 1915ಕ್ಕೂ ಹಳೆಯ ನಿಲ್ದಾಣಗಳಿವೆ.

‘ಇವುಗಳ ಅಭಿವೃದ್ಧಿಗೆ ₹10 ಕೋಟಿ ಬೇಕಾಗಲಿದೆ. ಕಾರ್ಪೊರೇಟ್ ಕಂಪನಿಗಳ ಸಾಮಾಜಿಕ ಹೊಣೆಗಾರಿಕೆ ಯೋಜನೆಯ(ಸಿಎಸ್‌ಆರ್‌) ನಿಧಿ ಪಡೆಯಲಾಗುವುದು’ ಎಂದು ರೈಲ್ವೆ ವಿಭಾಗೀಯ ವ್ಯವಸ್ಥಾಪಕ ಅಶೋಕ್‌ ವರ್ಮಾ ತಿಳಿಸಿದರು.

‘ಸಂಸ್ಕೃತಿ ಮತ್ತು ಪರಂಪರೆ ಸಂರಕ್ಷಣೆ ಜೊತೆಗೆ ಪ್ರವಾಸೋದ್ಯಮಕ್ಕೆ ಈ ಯೋಜನೆ ದಾರಿ ಮಾಡಿಕೊಡಲಿದೆ. ನವೀಕರಣ ಮತ್ತು ಮರು ನಿರ್ಮಾಣದ ಯೋಜನೆಯನ್ನು ಇಂಟೆಕ್‌ ಸಿದ್ಧಪಡಿಸಲಿದೆ’ ಎಂದು ಅವರು ಹೇಳಿದರು.