ಬೆಂಗಳೂರು ದಕ್ಷಿಣ ತಾಲ್ಲೂಕು ವ್ಯಾಪ್ತಿಯಲ್ಲಿ ರೆಡ್‌ ಕ್ರಾಸ್‌ ಸೊಸೈಟಿ ಘಟಕ ಆರಂಭ

ಬೆಂಗಳೂರು : ಬೆಂಗಳೂರು ದಕ್ಷಿಣ ತಾಲ್ಲೂಕು ವ್ಯಾಪ್ತಿಯಲ್ಲಿ ರೆಡ್ ಕ್ರಾಸ್ ಘಟಕವನ್ನು ಮೊದಲ ಬಾರಿಗೆ ಆರಂಭಿಸಲಾಗಿದೆ.

ದಕ್ಷಿಣ ತಾಲ್ಲೂಕು ಕಚೇರಿಯಲ್ಲಿ ನಡೆದ ವಾರ್ಷಿಕ ಸಾಮಾನ್ಯ ಸಭೆಯಲ್ಲಿ ತಹಶೀಲ್ದಾರ್ ಜಿ.ಅಶ್ವಿನಿ ಅವರನ್ನು ಘಟಕದ ಅಧ್ಯಕ್ಷರಾಗಿ ಆಯ್ಕೆ ಮಾಡಲಾಗಿದೆ.

ವ್ಯವಸ್ಥಾಪನ ಸಮಿತಿ ಸದಸ್ಯರಾಗಿ ಡಾ.ಅದಿತಿ ರಾವ್, ಕಾರ್ತಿಕ ಪಕ್ಕಾಲ, ಎಂ.ಚೇತನ್ ಕುಮಾರ್, ಎಂ.ಜಿ.ಸಂದೀಪ್, ಕೆ.ವಿ.ಮಧುಸೂಧನ, ಅರ್ಚನಾ ಆರ್.ಮೂರ್ತಿ ಅವರು ಆಯ್ಕೆಯಾಗಿದ್ದಾರೆ.

ಸಂಸ್ಥೆಯ ತಾಲ್ಲೂಕು ಪದಾಧಿಕಾರಿಗಳಾಗಿ ಅನಿಲ್ ಭಾರದ್ವಾಜ್( ಸಭಾಪತಿ), ಜೆ.ಆದರ್ಶ( ಉಪ ಸಭಾಪತಿ), ಆರ್.ವಿನಯಕಶ್ಯಪ್( ಗೌರವ ಕಾರ್ಯದರ್ಶಿ). ಯು.ಸಚಿನ್( ಖಜಾಂಚಿ) ಆಯ್ಕೆಯಾಗಿದ್ಧಾರೆ.

ದಕ್ಷಿಣ ತಾಲ್ಲೂಕು ವ್ಯಾಪ್ತಿಯಲ್ಲಿ ರೆಡ್ ಕ್ರಾಸ್ ಸೊಸೈಟಿ ಮೂಲಕ ಮಾನವೀಯ ಹಾಗೂ ಸಮುದಾಯ ಕಲ್ಯಾಣ ಕಾರ್ಯಕ್ರಮಗಳನ್ನು ಆಯೋಜಿಸಲಾಗುವುದು ಎಂದು ತಹಶೀಲ್ದಾರ್ ತಿಳಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.