ಕಾರುಗಳ ಗಾಜು ಒಡೆದು ಕಳ್ಳತನ: ಇಬ್ಬರ ಬಂಧನ

‘ತಮಿಳುನಾಡಿನ ನಟರಾಜ್ ಹಾಗೂ ಗೋಕುಲ್ ಬಂಧಿತರು. ತಮಿಳುನಾಡಿನ ರಾಮ್‌ಜೀ ಗ್ಯಾಂಗ್‌ಸದಸ್ಯರಾದ ಇವರಿಬ್ಬರು, ಆಗಾಗನಗರಕ್ಕೆ ಬಂದು ಕಳ್ಳತನ ಮಾಡಿಕೊಂಡು ಪರಾರಿಯಾಗುತ್ತಿದ್ದರು’ ಎಂದು ಪೊಲೀಸ್ ಮೂಲಗಳು ಹೇಳಿವೆ.

‘ಬಂಡೇಪಾಳ್ಯದಲ್ಲಿ ನಿಲ್ಲಿಸಿದ್ದ ಕಾರೊಂದರ ಗಾಜು ಒಡೆದಿದ್ದ ಆರೋಪಿಗಳು, ನಗದು ಹಾಗೂ ಬೆಲೆ ಬಾಳುವ ವಸ್ತುಗಳನ್ನು ಕಳ್ಳತನ ಮಾಡಿದ್ದರು. ಈ ಬಗ್ಗೆ ಪ್ರಕರಣ ದಾಖಲಾಗಿತ್ತು. ತನಿಖೆ ಕೈಗೊಂಡು ಆರೋಪಿಗಳನ್ನು ಬಂಧಿಸಲಾಗಿದೆ. ಇವರಿಂದ ₹ 1.10 ಲಕ್ಷ ನಗದು,8 ಲ್ಯಾಪ್‌ಟಾಪ್, ಮೊಬೈಲ್ ಹಾಗೂ ಕ್ಯಾಮೆರಾ ಜಪ್ತಿ ಮಾಡಲಾಗಿದೆ’ ಎಂದೂ ತಿಳಿಸಿವೆ.