ರೌಡಿ ಅರಸಯ್ಯ ಕೊಲೆ: ಪಳನಿ ಸಹಚರರ ಬಂಧನ

7

ರೌಡಿ ಅರಸಯ್ಯ ಕೊಲೆ: ಪಳನಿ ಸಹಚರರ ಬಂಧನ

Published:
Updated:
ಸತೀಶ್, ಶೇಖರ್, ಉದಯ್ ಕುಮಾರ್

ಬೆಂಗಳೂರು: ಶ್ರೀರಂಗಪಟ್ಟಣದಲ್ಲಿ ಆಗಸ್ಟ್‌ 11ರಂದು ನಡೆದಿದ್ದ ರೌಡಿ ಅರಸಯ್ಯ ಕೊಲೆ ಪ್ರಕರಣದಲ್ಲಿ ಭಾಗಿಯಾಗಿದ್ದಾರೆ ಎನ್ನಲಾದ ಮೂವರನ್ನು ನಗರದ ಸಿಸಿಬಿ ಪೊಲೀಸರು ಬಂಧಿಸಿದ್ದಾರೆ.

ಕೆ.ಪಿ.ಅಗ್ರಹಾರ ಬಳಿಯ ಭುವನೇಶ್ವರಿನಗರದ ಸತೀಶ್ ಅಲಿಯಾಸ್ ಮಚ್ಚಿ, ಹಂದಿಗೂಡಿನ ಶೇಖರ್ ಅಲಿಯಾಸ್ ಕುಳ್ಳ ಹಾಗೂ ಉದಯ್‌ಕುಮಾರ್ ಬಂಧಿತರು. ಅವರಿಂದ ಮಚ್ಚು, ಡ್ರ್ಯಾಗರ್ ಹಾಗೂ ಖಾರದ ಪುಡಿ ಪೊಟ್ಟಣಗಳನ್ನು ಜಪ್ತಿ ಮಾಡಲಾಗಿದೆ.

‘ಬಂಧಿತ ಆರೋಪಿಗಳು, ರೌಡಿ ಪಳನಿಯ ಸಹಚರರು. ಸಾರ್ವಜನಿಕರನ್ನು ಸುಲಿಗೆ ಮಾಡಲೆಂದು ಬುಧವಾರ ಹೊಂಚು ಹಾಕುತ್ತಿದ್ದ ವೇಳೆಯಲ್ಲೇ ಅವರನ್ನು ಬಂಧಿಸಲಾಯಿತು’ ಎಂದು ಪೊಲೀಸರು ಹೇಳಿದರು.

‘2013ರಲ್ಲಿ ಪಳನಿಯ ಸಹೋದರ ರಂಗನಾಥ್‌ನ ಕೊಲೆ ಆಗಿತ್ತು. ಅದರ ಆರೋಪಿ ಅರಸಯ್ಯ, ಜಾಮೀನು ಮೇಲೆ ಹೊರಬಂದಿದ್ದ. ಸಹೋದರನ ಕೊಲೆಗೆ ಪ್ರತೀಕಾರವಾಗಿ ಅರಸಯ್ಯನನ್ನು ಪಳನಿಯೇ ಕೊಲೆ ಮಾಡಿಸಿದ್ದಾನೆ. ಅದಕ್ಕೆ ಸತೀಶ್, ಶೇಖರ್ ಹಾಗೂ ಉದಯ್‌ಕುಮಾರ್ ಸಹಕಾರ ನೀಡಿದ್ದಾರೆ ಎಂಬ ಮಾಹಿತಿ ಇದೆ. ಪಳನಿ ತಲೆಮರೆಸಿಕೊಂಡಿದ್ದಾನೆ’ ಎಂದರು.

ಬರಹ ಇಷ್ಟವಾಯಿತೆ?

  • 0

    Happy
  • 3

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !