ಶಸ್ತ್ರಚಿಕಿತ್ಸೆ ಹೇಗೆ : ರಕ್ತನಾಳಗಳನ್ನು ಮೈಕ್ರೋಸ್ಕೋಪ್ ಮೂಲಕ ಹೊಲೆದು ಜೋಡಿಸುವ ಈ ಶಸ್ತ್ರಚಿಕಿತ್ಸೆಗೆ ಮೈಕ್ರೊವ್ಯಾಸ್ಕಲರ್ ಸರ್ಜರಿ ಎನ್ನುತ್ತಾರೆ. ದೇಹದ ಅಂಗಾಂಗಗಳು ಸರಿಯಾಗಿ ತುಂಡಾದಾಗ (ಕ್ಲೀನ್ ಕಟ್) ಅಂದರೆ, ಮಚ್ಚು, ಕೊಡಲಿ, ಕುಡಗೋಲು, ಚಾಕುವಿನಿಂದ ಕೈ, ಕಾಲು, ಬೆರಳು ಕತ್ತರಿಸಿದಾಗ ಈ ಶಸ್ತ್ರಚಿಕಿತ್ಸೆಯನ್ನು ಮಾಡಬಹುದು. ಆದರೆ, ಅಪಘಾತದಲ್ಲಿ ಕಾಲು ಅಥವಾ ಕೈ ಸಂಪೂರ್ಣ ನಜ್ಜುಗುಜ್ಜಾದಂತೆ ಹಾನಿಗೀಡಾಗಿದ್ದರೆ ಈ ಶಸ್ತ್ರಚಿಕಿತ್ಸೆ ಸಾಧ್ಯವಿಲ್ಲ ಎನ್ನುತ್ತಾರೆ ವೈದ್ಯರು.