ಪ್ಯಾರಿಸ್: ಕ್ರಿಶ್ಚಿಯಾನೊ ರೊನಾಲ್ಡೊ ಅವರನ್ನು ಹಿಂದಿಕ್ಕಿದ ಲಯೊನೆಲ್ ಮೆಸ್ಸಿ ವಿಶ್ವ ಫುಟ್ಬಾಲ್ನಲ್ಲಿ ಅತಿ ಹೆಚ್ಚು ಗಳಿಕೆ ಹೊಂದಿರುವ ಆಟಗಾರ ಎನಿಸಿದ್ದಾರೆ. ಫ್ರಾನ್ಸ್ನ ಫುಟ್ಬಾಲ್ ನಿಯತಕಾಲಿಕವೊಂದು ಇದನ್ನು ವರದಿ ಮಾಡಿದೆ.
ಅರ್ಜೆಂಟೀನಾ ಮತ್ತು ಬಾರ್ಸಿಲೋನಾ ತಂಡದಲ್ಲಿ ಆಡುತ್ತಿರುವ ಮೆಸ್ಸಿ ಅವರ ಗಳಿಕೆ ₹ 1020 ಕೋಟಿಗೆ ಏರಿದ್ದು ಪೋರ್ಚುಗಲ್ ಮತ್ತು ರಿಯಲ್ ಮ್ಯಾಡ್ರಿಡ್ ಪರ ಆಡುತ್ತಿರುವ ರೊನಾಲ್ಡೊ ಗಳಿಕೆ ₹ 760 ಕೋಟಿಯಾಗಿಯೇ ಉಳಿದಿದೆ.
ಮೂರನೇ ಸ್ಥಾನದಲ್ಲಿರುವ ಬ್ರೆಜಿಲ್ನ ನೇಮರ್ ಅವರ ಗಳಿಕೆ ₹ 660 ಕೋಟಿ. ₹ 350 ಕೋಟಿ ಗಳಿಕೆ ಇರುವ ವೇಲ್ಸ್ ಆಟಗಾರ ಗರೆಥ್ ಬೇಲ್ ನಾಲ್ಕನೇ ಮತ್ತು ₹ 230 ಕೋಟಿ ಗಳಿಕೆಯ ಸ್ಪೇನ್ನ ಜೆರಾಲ್ಡ್ ಪೀಕ್ ಐದನೇ ಸ್ಥಾನದಲ್ಲಿದ್ದಾರೆ.