ಬೆಂಗಳೂರು: ಕೋವಿಡ್‌ ವಿರುದ್ಧ ಹೋರಾಡಲು ಟೆಕ್ ಮಹಿಂದ್ರಾ ಪ್ರತಿಷ್ಠಾನವು ಆಮ್ಲಜನಕ ಉತ್ಪಾದಕ ಘಟಕ ಹಾಗೂ ಎರಡು ಆಂಬುಲೆನ್ಸ್‌ ವಾಹನಗಳನ್ನು ವಿವಿಧ ಆಸ್ಪತ್ರೆಗಳಿಗೆ ಕೊಡುಗೆಯಾಗಿ ನೀಡಿದೆ.
ನಗರದ ಶ್ರೀಕೃಷ್ಣ ಸೇವಾಶ್ರಮ ಆಸ್ಪತ್ರೆಗೆ ಒಂದು ಆಂಬುಲೆನ್ಸ್‌,ಸೇಂಟ್‌ ಫಿಲೋಮಿನಾ ಆಸ್ಪತ್ರೆಗೆ ಆಂಬುಲೆನ್ಸ್‌ ಹಾಗೂಆಮ್ಲಜನಕ ಉತ್ಪಾದಕ ಘಟಕವನ್ನು ನೀಡಿದ್ದು, ಪಾಲಿಕೆಯ ವಿಶೇಷ ಆಯುಕ್ತ ಡಿ.ರಂದೀಪ್ ಅವರು ಮಂಗಳವಾರ ಚಾಲನೆ ನೀಡಿದರು.
‘ಕೋವಿಡ್‌ ತೀವ್ರಗೊಂಡಿದ್ದ ಸಮಯದಲ್ಲಿ ಆಂಬುಲೆನ್ಸ್‌ ಮತ್ತು ಆಮ್ಲಜನಕದ ಸಿಲಿಂಡರ್‌ಗಳಿಗಾಗಿಬೆಂಗಳೂರು ಕಠಿಣ ಸಂದರ್ಭವನ್ನು ಎದುರಿಸಿತು. ಮಹಿಂದ್ರಾದ ಈ ಕೊಡುಗೆಗಳು ಜನರಿಗೆ ಉಪಯುಕ್ತವಾಗಲಿವೆ’ ಎಂದು ರಂದೀಪ್ ಹೇಳಿದರು.
ಟೆಕ್ ಮಹಿಂದ್ರಾ ಪ್ರತಿಷ್ಠಾನದಕಾರ್ಪೊರೇಟ್ ಸೇವೆ ವಿಭಾಗದ ಸೈಯದ್‌ ಅತೀಕ್,‘ಕೋವಿಡ್‌ ಎರಡನೇ ಅಲೆಯ ಸಂದರ್ಭದಲ್ಲಿ ಆಮ್ಲಜನಕದ ಕೊರತೆ ಹೆಚ್ಚಾಗಿತ್ತು. ಅದನ್ನು ಮನಗಂಡು ಭವಿಷ್ಯದ ದೃಷ್ಟಿಯಿಂದ ಆಸ್ಪತ್ರೆಗಳಲ್ಲಿ ಈ ಸೌಲಭ್ಯಗಳನ್ನು ಒದಗಿಸಿದೆ’ ಎಂದರು.
