ರೈಲು ಸಂಚಾರದಲ್ಲಿ ವ್ಯತ್ಯಯ:1 ತಿಂಗಳು ಯಶವಂತಪುರ ನಿಲ್ದಾಣ ಪ್ಲಾಟ್‌ಫಾರ್ಮ್‌ ಬಂದ್

ಬೆಂಗಳೂರು: ಯಶವಂತಪುರ ರೈಲು ನಿಲ್ದಾಣದ ಅಭಿವೃದ್ಧಿ ಕಾಮಗಾರಿ ನಡೆಯುತ್ತಿದ್ದು, ಒಂದು ತಿಂಗಳು ಪ್ಲಾಟ್‌ಫಾರ್ಮ್‌ಗಳನ್ನು ಬಂದ್ ಮಾಡಲಾಗಿದೆ. ಆರು ರೈಲುಗಳ ಸಂಚಾರ ರದ್ದು ಮಾಡಲಾಗಿದ್ದು, 8 ರೈಲುಗಳ ಮಾರ್ಗ ಬದಲಾವಣೆ ಮಾಡಲಾಗಿದೆ.

ಮಂಗಳವಾರದಿಂದ (ಆಗಸ್ಟ್ 20) ಸೆಪ್ಟೆಂಬರ್‌ 19 ರವರೆಗೂ ಯಶವಂತಪುರ ನಿಲ್ದಾಣದ ಕಾಮಗಾರಿ ಕೈಗೊಂಡಿರುವ ಕಾರಣ ರೈಲುಗಳ ಸಂಚಾರದಲ್ಲಿ ವ್ಯತ್ಯಯವಾಗಲಿದೆ. ಆ.21 ರಿಂದ ಸೆ.4ರ ವರೆಗೆ 2, 3ನೇ ಪ್ಲಾಟ್‌ಫಾರ್ಮ್‌ ಹಾಗೂ ಸೆ.5 ರಿಂದ 19ರ ವರೆಗೆ 4, 5ನೇ ಪ್ಲಾಟ್‌ಫಾರ್ಮ್‌ ಬಂದ್ ಆಗಲಿವೆ ಎಂದು ನೈಋತ್ಯ ರೈಲ್ವೆ ವಲಯ ಪ್ರಕಟಣೆ ತಿಳಿಸಿದೆ.

ಭಾಗಶಃ ರದ್ದುಗೊ ಳಿಸಿದ್ದ ತುಮಕೂರು–ಯಶವಂತಪುರ (06580) ರೈಲು ಎಂದಿನಂತೆ ಯಶ ವಂತಪುರದವರೆಗೆ ಸಂಚರಿಸಲಿದೆ. ಬೆಳಿಗ್ಗೆ 10 ಗಂಟೆಗೆ ಬದಲಾಗಿ 9.24ಕ್ಕೆ ನಿಲ್ದಾಣ ತಲುಪಲಿದೆ. ಯಶವಂತಪುರ–ತುಮ ಕೂರು (06573) ರೈಲು ಯಶವಂತಪುರ ನಿಲ್ದಾಣದಿಂದ ಸಂಜೆ 7.50ಕ್ಕೆ ಹೊರಡಲಿದೆ. ಬೆಂಗಳೂರು–ಕುಪ್ಪಂ (06529) ರೈಲು ಕೃಷ್ಣರಾಜಪುರದಿಂದ ಮಧ್ಯಾಹ್ನ 12.17ಕ್ಕೆ ಹೊರಡಲಿದೆ.

ಯಶವಂತಪುರದಿಂದ ತುಮಕೂರಿಗೆ ಹಾಗೂ ತುಮಕೂರಿನಿಂದ ಯಶವಂತಪುರ ನಡುವೆ ಸಂಚರಿಸುವ ರೈಲುಗಳನ್ನು ರದ್ದುಪಡಿಸಲಾಗಿತ್ತು. ರೈಲ್ವೆ ಖಾತೆ ರಾಜ್ಯ ಸಚಿವ ವಿ.ಸೋಮಣ್ಣ ಅವರು ವಿಶೇಷ ಮುತುವರ್ಜಿ ವಹಿಸಿ ಈ ಎರಡು ರೈಲುಗಳು ಈ ಮೊದಲಿನಂತೆಯೇ ಸಂಚರಿಸಲು ವ್ಯವಸ್ಥೆ ಮಾಡುವಂತೆ ಅಧಿಕಾರಿಗಳಿಗೆ ಸೂಚಿಸಿದ್ದರು.

ರೈಲು ಸಂಚಾರ ರದ್ದು:

ಆ.21 ರಿಂದ 31 ಹಾಗೂ ಸೆ.1ರಿಂದ 19ರ ಅವಧಿಯಲ್ಲಿ ತುಮಕೂರು–ಕೆಎಸ್‌ಆರ್‌ ಬೆಂಗಳೂರು, ಕೆಎಸ್‌ಆರ್‌ ಬೆಂಗಳೂರು–ತುಮಕೂರು, ಸಿಕಂದರಾಬಾದ್–ಯಶವಂತಪುರ, ಯಶವಂತಪುರ–ಸಿಕಂದರಾಬಾದ್, ಯಶವಂತಪುರ–ಕೊಚುವೇಲಿ ಮಾರ್ಗಗಳಲ್ಲಿ ರೈಲು ಸಂಚಾರ ರದ್ದು ಮಾಡಲಾಗಿದೆ. 

ಮಾರ್ಗ ಬದಲಾವಣೆ: ಆ. 24 ಮತ್ತು 31 ಹಾಗೂ ಸೆ.7 ಮತ್ತು 14 ರಂದು ಹುಬ್ಬಳ್ಳಿ- ಎಂಜಿಆರ್‌ ಚೆನ್ನೈ ಸೆಂಟ್ರಲ್ ಎಕ್ಸ್‌ಪ್ರೆಸ್ ರೈಲು ಹುಬ್ಬಳ್ಳಿ, ಅರಸೀಕೆರೆ, ಚಿಕ್ಕಬಾಣಾ ವರ, ಯಶವಂತಪುರ ‘ಎ’ ಕ್ಯಾಬಿನ್, ಲೊಟ್ಟೆಗೊಲ್ಲಹಳ್ಳಿ, ಬಾಣಸವಾಡಿ, ಕೃಷ್ಣರಾಜಪುರ ಮೂಲಕ ಸಂಚರಿಸುತ್ತದೆ.  

ಆ. 21 ರಿಂದ ಸೆ. 19ರವರೆಗೆ ಬಾಣಸವಾಡಿ-ತುಮಕೂರು ಎಕ್ಸ್‌ಪ್ರೆಸ್ ವಿಶೇಷ ರೈಲು ಬಾಣಸವಾಡಿ, ಯಶವಂತಪುರ ‘ಎ’ ಕ್ಯಾಬಿನ್, ಚಿಕ್ಕಬಾಣಾವರ ಮತ್ತು ತುಮಕೂರು ನಿಲ್ದಾಣಗಳ ಮೂಲಕ ಸಂಚರಿಸುತ್ತದೆ.