ವಿದ್ಯಾರ್ಥಿಗಳು ಮತ್ತು ಅವರ ಪೋಷಕರಿಗೆ ವೀಸಾ ಮತ್ತು ಟಿಕೆಟ್‌ ಮಾಡಿಸಿಕೊಡುವ ಭರವಸೆ ನೀಡಿ ಟ್ರಾವೆಲ್‌ ಏಜೆನ್ಸಿ ₹17 ಲಕ್ಷ ಪಡೆದುಕೊಂಡಿದ್ದು, ನಕಲಿ ವೀಸಾ ಮತ್ತು ಟಿಕೆಟ್‌ ನೀಡಿರುವ ಬಗ್ಗೆ ದೂರಿನಲ್ಲಿ ಆರೋಪಿಸಲಾಗಿದೆ. ಈ ಸಂಬಂಧ ಡಿಸೈರ್‌ ಹಾಲಿಡೇ ಟ್ರಾವೆಲ್‌ ಏಜೆನ್ಸಿ ಮತ್ತು ಸೇಲ್ಸ್ ಮ್ಯಾನೇಜರ್‌ ಗೋಪಿನಾಥ್‌ ಎಂಬವರ ವಿರುದ್ಧ ತಲಘಟ್ಟಪುರ, ಪುಟ್ಟೇನಹಳ್ಳಿ ಪೊಲೀಸ್‌ ಠಾಣೆಗಳಲ್ಲಿ ಪ್ರತ್ಯೇಕ ದೂರುಗಳು ದಾಖಲಾಗಿವೆ.ಆರೋಪಿಗಳ ಪತ್ತೆಗೆ ಬಲೆ ಬೀಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಆದರೆ, ವೀಸಾ ಮತ್ತು ಟಿಕೆಟ್‌ಗೆ ಈ ವಿದ್ಯಾರ್ಥಿಗಳ ಪೋಷಕರು ಪರ್ಯಾಯ ವ್ಯವಸ್ಥೆ ಮಾಡಿದ್ದರಿಂದ ಸಿಡ್ನಿಗೆ ತೆರಳಲು ಸಾಧ್ಯವಾಗಿದೆ.
