ಬೀದರ್‌ | ಗರಿಷ್ಠ ತಾಪಮಾನ ದಾಖಲು: ಮನೆ ತಂಪಿರಿಸಲು ಮಾಳಿಗೆ ಮೇಲೆ ನೀರು!

ಬೀದರ್‌ ಜಿಲ್ಲೆ ಶುಕ್ರವಾರ (ಏ.17) ಗರಿಷ್ಠ ತಾಪಮಾನಕ್ಕೆ ಸಾಕ್ಷಿಯಾಯಿತು. ಇಷ್ಟು ದಿನಗಳ ವರೆಗೆ 39ರಿಂದ 40 ಡಿಗ್ರಿ ಸೆಲ್ಸಿಯಸ್‌ ನಡುವೆ ಗರಿಷ್ಠ ಉಷ್ಣಾಂಶ ದಾಖಲಾಗಿತ್ತು. ಶುಕ್ರವಾರ ಇದನ್ನು ಮೀರಿ 41 ಡಿಗ್ರಿ ಸೆಲ್ಸಿಯಸ್‌ಗೆ ಏರಿಕೆ ಕಂಡಿತು. ತಾಪಮಾನದೊಂದಿಗೆ ಬಿಸಿಲಿನ ಝಳ ಕೂಡ ಹೆಚ್ಚಾಗಿದ್ದು ಪ್ರಖರ ಬಿಸಿಲಿನಿಂದ ಜನ ಕಂಗೆಟ್ಟಿ ಹೋಗಿದ್ದಾರೆ. ಶುಕ್ರವಾರ ಸಂಜೆ ಗುಡುಗಿನೊಂದಿಗೆ ಗಾಳಿ ಬೀಸಿದ್ದರಿಂದ ಸ್ವಲ್ಪ ನೆಮ್ಮದಿಯ ನಿಟ್ಟುಸಿರು ಬಿಟ್ಟರು.