ಬೀದರ್: ನಗರದ ಜ್ಯೋತಿಬಾ ಫುಲೆ ವೃದ್ಧಾಶ್ರಮದ ಹಿರಿಯ ನಾಗರಿಕರಿಗೆ ವಿವೇಕ ದೀಪಕ ವಾಲಿ ಫೌಂಡೇಷನ್ ವತಿಯಿಂದ ಹಣ್ಣು, ಮಾಸ್ಕ್, ನೀರು ಬಿಸಿ ಮಾಡುವ ಉಪಕರಣ ಹಾಗೂ ಆಸ್ಕಿ ಮೀಟರ್ ವಿತರಿಸಲಾಯಿತು.
ಮಹಾತ್ಮ ಗಾಂಧಿ, ಲಾಲ್ ಬಹದ್ದೂರ್ ಶಾಸ್ತ್ರಿ ಜಯಂತಿ ಹಾಗೂ ಹಿರಿಯ ನಾಗರಿಕರ ದಿನಾಚರಣೆ ಅಂಗವಾಗಿ ಫೌಂಡೇಷನ್ ವತಿಯಿಂದ ಹಮ್ಮಿಕೊಂಡಿದ್ದ ಕಾರ್ಯಕ್ರಮದಲ್ಲಿ ಸಾಮಗ್ರಿಗಳನ್ನು ವಿತರಿಸಲಾಯಿತು.
ವೃದ್ಧಾಶ್ರಮದ ಮುಖ್ಯಸ್ಥ ಅನಿಲಕುಮಾರ ಬೆಲ್ದಾರ್ ಮಾತನಾಡಿ, ‘ವಾಲಿ ಫೌಂಡೇಷನ್ ಹಿರಿಯ ನಾಗರಿಕರಿಗೆ ನೆರವಿಗೆ ಬರುವ ಮೂಲಕ ಮಾನವೀಯ ಕಾರ್ಯಗಳನ್ನು ಮಾಡುತ್ತಿದೆ’ ಎಂದರು.
ಫೌಂಡೇಷನ್ ಮುಖ್ಯಸ್ಥ ವಿವೇಕ ವಾಲಿ, ಉದ್ಯಮಿ ದೀಪಕ ವಾಲಿ, ರವಿ ಕೊಡಗೆ ಇದ್ದರು.