ಹುಮನಾಬಾದ್ | ಮಣ್ಣಿನ ಗಣಪತಿಗೆ ಹೆಚ್ಚಿದ ಬೇಡಿಕೆ

‘ಕಳೆದ 70 ವರ್ಷಗಳಿಂದ ಪಟ್ಟಣದ ಕುಟುಂಬವೊಂದು ಮಣ್ಣಿನ ಗಣಪತಿ ತಯಾರಿಸಿಕೊಂಡು ಬರುತ್ತಿದ್ದಾರೆ. ನಮ್ಮ ಪೂರ್ವಜರ ಕಾಲದಿಂದಲೂ ಮಣ್ಣಿನ ಗಣಪತಿ ಮೂರ್ತಿ ಮಾಡುವ ಪದ್ಧತಿಯಿತ್ತು. ಇದನ್ನು ನಾವು ಮುಂದುವರಿಸಿಕೊಂಡು ಬರುತ್ತಿದ್ದೇವೆ’ ಎಂದು ಮಣ್ಣಿನ ಗಣಪತಿ ತಯಾರಕ ಅನಿಲ ಹೇಳುತ್ತಾರೆ.

‘ಇತ್ತೀಚಿನ ದಿನಗಳಲ್ಲಿ ಗಣಪತಿ ಮೂರ್ತಿಗಳಿಗೆ ರಾಸಾಯನಿಕ ಬಣ್ಣಗಳಿಂದ ಅಲಂಕರಿಸಿ, ಮಾರಾಟ ಮಾಡಲಾಗುತ್ತಿದೆ. ಆದರೆ ಜನರು ಪರಿಸರ ಮಾಲಿನ್ಯದ ಬಗ್ಗೆ ಅರಿತುಕೊಂಡಿದ್ದಾರೆ. ನಮ್ಮಲ್ಲಿ ಪಟ್ಟಣದ ಸೇರಿದಂತೆ ತಾಲ್ಲೂಕಿನ ದುಬಲಗುಂಡಿ, ಹಳ್ಳಿಖೇಡ್ ಬಿ. ಹುಡಗಿ, ಸಿಂಧನಕೇರಾ, ಮದರಗಾಂವ ಸೇರಿದಂತೆ ವಿವಿಧ ಗ್ರಾಮಗಳ ಜನರು ಬಂದು ಈಗಾಗಲೇ ಸುಮಾರು 100ಕ್ಕೂ ಮಣ್ಣಿನ ಗಣಪತಿ ಖರೀದಿಸಿದ್ದಾರೆ’ ಎಂದು ತಯಾರಕ ಗಜಾನಂದ ತಿಳಿಸಿದರು.