<p><strong>ಬೀದರ್:</strong> 2022ರ ಮಾರ್ಚ್ಗೆ ಅವಧಿ ಮುಕ್ತಾಯವಾಗಲಿರುವ ಗ್ರಾಮ ಪಂಚಾಯಿತಿಗಳು ಹಾಗೂ ವಿವಿಧ ಕಾರಣಗಳಿಂದ ಗ್ರಾಮ ಪಂಚಾಯಿತಿಗಳಲ್ಲಿ ತೆರವಾಗಿರುವ ಸದಸ್ಯ ಸ್ಥಾನಗಳಿಗೆ ಡಿ.27ರಂದು ಚುನಾವಣೆ ನಡೆಯಲಿದ್ದು, ಜಿಲ್ಲಾಡಳಿತ ಸಕಲ ಸಿದ್ಧತೆ ಮಾಡಿಕೊಂಡಿದೆ.</p>.<p>ಹುಲಸೂರಿನ 12, ಗೋರ್ಟಾದ 6 ಮತ್ತು ತೊಗಲೂರಿನ 4 ಕ್ಷೇತ್ರಗಳಿಗೆ ಚುನಾವಣೆ ಹಾಗೂ ವಿವಿಧ ಕಾರಣಗಳಿಂದ ತೆರವಾಗಿರುವ 19 ಗ್ರಾಮ ಪಂಚಾಯಿತಿಗಳ 29 ಸದಸ್ಯ ಸ್ಥಾನಗಳಿಗೆ 27 ರಂದು ಬೆಳಿಗ್ಗೆ 7 ಗಂಟೆಯಿಂದ ಸಂಜೆ 5 ಗಂಟೆ ವರೆಗೆ ಮತದಾನ ನಡೆಯಲಿದೆ.</p>.<p>ಬೀದರ್ ತಾಲ್ಲೂಕಿನ 5 ಗ್ರಾಪಂಗಳ 5 ಸ್ಥಾನ, ಔರಾದ್ ತಾಲ್ಲೂಕಿನ 2 ಗ್ರಾಪಂಗಳ 2 ಕ್ಷೇತ್ರಗಳ 5 ಸ್ಥಾನ, ಕಮಲನಗರ ತಾಲ್ಲೂಕಿನ 1 ಗ್ರಾಮ ಪಂಚಾಯಿತಿಯ 1 ಕ್ಷೇತ್ರ, ಬಸವಕಲ್ಯಾಣ ತಾಲ್ಲೂಕಿನ 4 ಗ್ರಾಪಂಗಳ 4 ಕ್ಷೇತ್ರಗಳಿಗೆ, ಹುಮನಾಬಾದ್ ತಾಲ್ಲೂಕಿನ 2 ಗ್ರಾಮ ಪಂಚಾಯಿತಿಗಳ 3 ಕ್ಷೇತ್ರಗಳ 8 ಸ್ಥಾನ, ಚಿಟಗುಪ್ಪ ತಾಲ್ಲೂಕಿನ ಎರಡು ಗ್ರಾಪಂಗಳ 2 ಕ್ಷೇತ್ರ ಹಾಗೂ ಭಾಲ್ಕಿ ತಾಲ್ಲೂಕಿನ 3 ಗ್ರಾಮ ಪಂಚಾಯಿತಿಗಳ 4 ಕ್ಷೇತ್ರಗಳಿಗೆ ಚುನಾವಣೆಗೆ ತಯಾರಿ ಮಾಡಿ ಕೊಳ್ಳಲಾಗಿದೆ.</p>.<p class="Briefhead"><strong>ಸಕಲ ತಯಾರಿ<br />ಹುಲಸೂರ: </strong>ತಾಲ್ಲೂಕಿನ ಹುಲಸೂರ, ತೋಗಲೂರ, ಗೋರ್ಟಾ (ಬಿ) ಗ್ರಾಮ ಪಂಚಾಯಿತಿಗಳ ಖಾಲಿ ಸದಸ್ಯ ಸ್ಥಾನಗಳಿಗೆ ಸೋಮವಾರ (ಡಿ.27) ಚುನಾವಣೆ ನಡೆಯಲಿದೆ. ಜಿಲ್ಲಾಡಳಿತ ಮತದಾನಕ್ಕೆ ತಯಾರಿ ಮಾಡಿಕೊಂಡಿದೆ.</p>.<p>ಹುಲಸೂರ ಗ್ರಾಮ ಪಂಚಾಯಿತಿ 12 ವಾರ್ಡ್ ಹಾಗೂ 34 ಸದಸ್ಯ ಬಲ ಹೊಂದಿದೆ. ಪಂಚಾಯಿತಿ ವ್ಯಾಪ್ತಿಯ ಅಂತರಭಾರತಿ ತಾಂಡಾ ಒಂದು ಸದಸ್ಯ ಸ್ಥಾನವನ್ನು ಹೊಂದಿದೆ. ಆ ಸ್ಥಾನಕ್ಕೆ ಅವಿರೋಧ ಆಯ್ಕೆ ನಡೆದಿದೆ. ಅಲ್ಲಿ ಚುನಾವಣೆ ನಡೆಯುತ್ತಿಲ್ಲ. ಗ್ರಾಮ ಪಂಚಾಯಿತಿ ಕೇಂದ್ರದಲ್ಲಿ ಒಟ್ಟು 10 ವಾರ್ಡ್ಗಳಿವೆ. ಇಲ್ಲಿ 29 ಸದಸ್ಯ ಸ್ಥಾನಗಳಿವೆ. ಸೋಲದಾಬಕಾ ಗ್ರಾಮದ 12ನೇ ವಾರ್ಡ್ನಲ್ಲಿ 4 ಸದಸ್ಯ ಸ್ಥಾನಗಳಿಗೆ ಚುನಾವಣೆ ನಡೆಯಲಿದೆ.</p>.<p>ತಾಲ್ಲೂಕಿನ ಗೋರ್ಟಾ (ಬಿ) ಗ್ರಾಮ ಪಂಚಾಯಿತಿಯಲ್ಲಿ ಎರಡು ವಾರ್ಡ್ ಹಾಗೂ 8 ಸದಸ್ಯ ಸ್ಥಾನಗಳಿವೆ. ಈ ಗ್ರಾಮ ಪಂಚಾಯಿತಿಯಲ್ಲಿ ಈಗಾಗಲೇ ಒಬ್ಬರು ಮಹಿಳೆ ಹಾಗೂ ಪುರುಷ ಅವಿರೋಧವಾಗಿ ಆಯ್ಕೆಗೊಂಡಿದ್ದಾರೆ. ಉಳಿದ 6 ಸದಸ್ಯ ಸ್ಥಾನಗಳಿಗೆ ಚುನಾವಣೆ ನಡೆಯಲಿದೆ. ತೋಗಲೂರು ಗ್ರಾಮ ಪಂಚಾಯಿತಿ ಎರಡು ವಾರ್ಡ್ ಹಾಗೂ 10 ಸದಸ್ಯ ಸ್ಥಾನಗಳನ್ನು ಹೊಂದಿದೆ. ಗ್ರಾಮ ಪಂಚಾಯಿತಿ ಕೇಂದ್ರದಲ್ಲಿ 6, ಹಾಲಹಳ್ಳಿ 3 ಹಾಗೂ ಕಾದರಾಬಾದ ವಾಡಿಯ 1 ಸ್ಥಾನಕ್ಕೆ ಮತದಾನ ನಡೆಯಲಿದೆ. ಬೆಳಿಗ್ಗೆ 7 ರಿಂದ ಸಂಜೆ 5 ರವರೆಗೂ ಮತದಾನ ನಡೆಯಲಿದೆ. ಹುಲಸೂರ ಪಟ್ಟಣದಲ್ಲಿ 11, ತೋಗಲೂರು 4, ಗೋರ್ಟಾ (ಬಿ) ದಲ್ಲಿ 3 ಮತಗಟ್ಟೆ ಸ್ಥಾಪಿಸಲಾಗುತ್ತಿದೆ.</p>.<p>‘ಚುನಾವಣಾ ಕಾರ್ಯಕ್ಕೆ 95 ಸಿಬ್ಬಂದಿಯನ್ನು ನಿಯೋಜಿಸಲಾಗುತ್ತಿದೆ. ಅದರಲ್ಲಿ ಪೊಲೀಸ್ ಇಲಾಖೆಯ 57 ಹಾಗೂ ಶಿಕ್ಷಣ ಹಾಗೂ ಪಂಚಾಯತ್ ರಾಜ್ ಇಲಾಖೆಯ 38 ಸಿಬ್ಭಂದಿ ನೇಮಿಸಲಾಗಿದೆ’ ಎಂದು ಅಧಿಕಾರಿಗಳು ತಿಳಿಸಿದರು. ‘ಜನಪ್ರತಿನಿಧಿಗಳು ಮೊಬೈಲ್ ಬಳಕೆ ಮಾಡುವಂತಿಲ್ಲ. ಎಲ್ಲರೂ ಮಾಸ್ಕ್ ಧರಿಸಿ, ನಿಯಮ ಉಲ್ಲಂಘಿಸಿದರೆ ಕ್ರಮ ಕೈಗೊಳ್ಳಲಾಗುವುದು’ ಎಂದು ತಹಶೀಲ್ದಾರ್ ಶಿವಾನಂದ ಮೇತ್ರೆ ಹುಲಸೂರ ಹೇಳಿದರು.</p>.<p class="Briefhead"><strong>ಮತಗಟ್ಟೆ ಸ್ಥಾಪಿಸಿದ ಶಾಲೆಗಳಿಗೆ ರಜೆ<br />ಚಿಟಗುಪ್ಪ: </strong>ತಾಲ್ಲೂಕಿನ ಇಟಗಾ, ಮಿನಕೇರಾ ಗ್ರಾಮ ಪಂಚಾಯಿತಿಗಳ ತಲಾ ಒಂದು ಸ್ಥಾನಕ್ಕೆ ಸೋಮವಾರ ಉಪ ಚುನಾವಣೆ ನಡೆಯಲಿದೆ.</p>.<p><strong>ಅವಿರೋಧ ಆಯ್ಕೆ:</strong> ತಾಲ್ಲೂಕಿನ ಇಟಗಾ ಗ್ರಾಮದ ಪರಿಶಿಷ್ಟ ಪಂಗಡ (ಮಹಿಳಾ) ಸ್ಥಾನಕ್ಕೆ ಇಂದಮ್ಮ ಚೆನ್ನಪ್ಪ ಅವಿರೋಧವಾಗಿ ಆಯ್ಕೆಯಾಗಿದ್ದರಿಂದ ಚುನಾವಣೆ ನಡೆಯುತ್ತಿಲ್ಲ ಎಂದು ಚುನಾವಣಾಧಿಕಾರಿ ಬಲವಂತ ತಿಳಿಸಿದ್ದಾರೆ.</p>.<p>ಮಿನಕೇರಾ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಬೋರಾಳ ಗ್ರಾಮದ ಸಾಮಾನ್ಯ ಮಹಿಳಾ ಸದಸ್ಯ ಸ್ಥಾನಕ್ಕೆ ಮತದಾನ ನಡೆಯಲಿದ್ದು, ಸರ್ಕಾರಿ ಪ್ರಾಥಮಿಕ ಶಾಲೆಯಲ್ಲಿಯ ಮತಗಟ್ಟೆ ಸಂಖ್ಯೆ 25 ಮತ್ತು 26ರಲ್ಲಿ ಮತದಾನಕ್ಕೆ ಸಕಲ ಸಿದ್ಧತೆ ಮಾಡಿಕೊಳ್ಳಲಾಗಿದೆ.</p>.<p>ಅಂಗವಿಕಲರಿಗೆ ತ್ರಿಚಕ್ರ ವಾಹನ ವ್ಯವಸ್ಥೆ ಮಾಡಲಾಗಿದೆ. ಮತಗಟ್ಟೆ ಎದುರಿಗೆ ಶಾಮಿಯಾನ್ ಹಾಕಲಾಗಿದೆ ಎಂದು ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ರಮೇಶ್ ತಿಳಿಸಿದ್ದಾರೆ.</p>.<p>ಸದರಿ ಮತಗಟ್ಟೆಯ ಶಾಲೆಗೆ ರಜೆ ಘೋಷಿಸಲಾಗಿದೆ ಎಂದು ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೀದರ್:</strong> 2022ರ ಮಾರ್ಚ್ಗೆ ಅವಧಿ ಮುಕ್ತಾಯವಾಗಲಿರುವ ಗ್ರಾಮ ಪಂಚಾಯಿತಿಗಳು ಹಾಗೂ ವಿವಿಧ ಕಾರಣಗಳಿಂದ ಗ್ರಾಮ ಪಂಚಾಯಿತಿಗಳಲ್ಲಿ ತೆರವಾಗಿರುವ ಸದಸ್ಯ ಸ್ಥಾನಗಳಿಗೆ ಡಿ.27ರಂದು ಚುನಾವಣೆ ನಡೆಯಲಿದ್ದು, ಜಿಲ್ಲಾಡಳಿತ ಸಕಲ ಸಿದ್ಧತೆ ಮಾಡಿಕೊಂಡಿದೆ.</p>.<p>ಹುಲಸೂರಿನ 12, ಗೋರ್ಟಾದ 6 ಮತ್ತು ತೊಗಲೂರಿನ 4 ಕ್ಷೇತ್ರಗಳಿಗೆ ಚುನಾವಣೆ ಹಾಗೂ ವಿವಿಧ ಕಾರಣಗಳಿಂದ ತೆರವಾಗಿರುವ 19 ಗ್ರಾಮ ಪಂಚಾಯಿತಿಗಳ 29 ಸದಸ್ಯ ಸ್ಥಾನಗಳಿಗೆ 27 ರಂದು ಬೆಳಿಗ್ಗೆ 7 ಗಂಟೆಯಿಂದ ಸಂಜೆ 5 ಗಂಟೆ ವರೆಗೆ ಮತದಾನ ನಡೆಯಲಿದೆ.</p>.<p>ಬೀದರ್ ತಾಲ್ಲೂಕಿನ 5 ಗ್ರಾಪಂಗಳ 5 ಸ್ಥಾನ, ಔರಾದ್ ತಾಲ್ಲೂಕಿನ 2 ಗ್ರಾಪಂಗಳ 2 ಕ್ಷೇತ್ರಗಳ 5 ಸ್ಥಾನ, ಕಮಲನಗರ ತಾಲ್ಲೂಕಿನ 1 ಗ್ರಾಮ ಪಂಚಾಯಿತಿಯ 1 ಕ್ಷೇತ್ರ, ಬಸವಕಲ್ಯಾಣ ತಾಲ್ಲೂಕಿನ 4 ಗ್ರಾಪಂಗಳ 4 ಕ್ಷೇತ್ರಗಳಿಗೆ, ಹುಮನಾಬಾದ್ ತಾಲ್ಲೂಕಿನ 2 ಗ್ರಾಮ ಪಂಚಾಯಿತಿಗಳ 3 ಕ್ಷೇತ್ರಗಳ 8 ಸ್ಥಾನ, ಚಿಟಗುಪ್ಪ ತಾಲ್ಲೂಕಿನ ಎರಡು ಗ್ರಾಪಂಗಳ 2 ಕ್ಷೇತ್ರ ಹಾಗೂ ಭಾಲ್ಕಿ ತಾಲ್ಲೂಕಿನ 3 ಗ್ರಾಮ ಪಂಚಾಯಿತಿಗಳ 4 ಕ್ಷೇತ್ರಗಳಿಗೆ ಚುನಾವಣೆಗೆ ತಯಾರಿ ಮಾಡಿ ಕೊಳ್ಳಲಾಗಿದೆ.</p>.<p class="Briefhead"><strong>ಸಕಲ ತಯಾರಿ<br />ಹುಲಸೂರ: </strong>ತಾಲ್ಲೂಕಿನ ಹುಲಸೂರ, ತೋಗಲೂರ, ಗೋರ್ಟಾ (ಬಿ) ಗ್ರಾಮ ಪಂಚಾಯಿತಿಗಳ ಖಾಲಿ ಸದಸ್ಯ ಸ್ಥಾನಗಳಿಗೆ ಸೋಮವಾರ (ಡಿ.27) ಚುನಾವಣೆ ನಡೆಯಲಿದೆ. ಜಿಲ್ಲಾಡಳಿತ ಮತದಾನಕ್ಕೆ ತಯಾರಿ ಮಾಡಿಕೊಂಡಿದೆ.</p>.<p>ಹುಲಸೂರ ಗ್ರಾಮ ಪಂಚಾಯಿತಿ 12 ವಾರ್ಡ್ ಹಾಗೂ 34 ಸದಸ್ಯ ಬಲ ಹೊಂದಿದೆ. ಪಂಚಾಯಿತಿ ವ್ಯಾಪ್ತಿಯ ಅಂತರಭಾರತಿ ತಾಂಡಾ ಒಂದು ಸದಸ್ಯ ಸ್ಥಾನವನ್ನು ಹೊಂದಿದೆ. ಆ ಸ್ಥಾನಕ್ಕೆ ಅವಿರೋಧ ಆಯ್ಕೆ ನಡೆದಿದೆ. ಅಲ್ಲಿ ಚುನಾವಣೆ ನಡೆಯುತ್ತಿಲ್ಲ. ಗ್ರಾಮ ಪಂಚಾಯಿತಿ ಕೇಂದ್ರದಲ್ಲಿ ಒಟ್ಟು 10 ವಾರ್ಡ್ಗಳಿವೆ. ಇಲ್ಲಿ 29 ಸದಸ್ಯ ಸ್ಥಾನಗಳಿವೆ. ಸೋಲದಾಬಕಾ ಗ್ರಾಮದ 12ನೇ ವಾರ್ಡ್ನಲ್ಲಿ 4 ಸದಸ್ಯ ಸ್ಥಾನಗಳಿಗೆ ಚುನಾವಣೆ ನಡೆಯಲಿದೆ.</p>.<p>ತಾಲ್ಲೂಕಿನ ಗೋರ್ಟಾ (ಬಿ) ಗ್ರಾಮ ಪಂಚಾಯಿತಿಯಲ್ಲಿ ಎರಡು ವಾರ್ಡ್ ಹಾಗೂ 8 ಸದಸ್ಯ ಸ್ಥಾನಗಳಿವೆ. ಈ ಗ್ರಾಮ ಪಂಚಾಯಿತಿಯಲ್ಲಿ ಈಗಾಗಲೇ ಒಬ್ಬರು ಮಹಿಳೆ ಹಾಗೂ ಪುರುಷ ಅವಿರೋಧವಾಗಿ ಆಯ್ಕೆಗೊಂಡಿದ್ದಾರೆ. ಉಳಿದ 6 ಸದಸ್ಯ ಸ್ಥಾನಗಳಿಗೆ ಚುನಾವಣೆ ನಡೆಯಲಿದೆ. ತೋಗಲೂರು ಗ್ರಾಮ ಪಂಚಾಯಿತಿ ಎರಡು ವಾರ್ಡ್ ಹಾಗೂ 10 ಸದಸ್ಯ ಸ್ಥಾನಗಳನ್ನು ಹೊಂದಿದೆ. ಗ್ರಾಮ ಪಂಚಾಯಿತಿ ಕೇಂದ್ರದಲ್ಲಿ 6, ಹಾಲಹಳ್ಳಿ 3 ಹಾಗೂ ಕಾದರಾಬಾದ ವಾಡಿಯ 1 ಸ್ಥಾನಕ್ಕೆ ಮತದಾನ ನಡೆಯಲಿದೆ. ಬೆಳಿಗ್ಗೆ 7 ರಿಂದ ಸಂಜೆ 5 ರವರೆಗೂ ಮತದಾನ ನಡೆಯಲಿದೆ. ಹುಲಸೂರ ಪಟ್ಟಣದಲ್ಲಿ 11, ತೋಗಲೂರು 4, ಗೋರ್ಟಾ (ಬಿ) ದಲ್ಲಿ 3 ಮತಗಟ್ಟೆ ಸ್ಥಾಪಿಸಲಾಗುತ್ತಿದೆ.</p>.<p>‘ಚುನಾವಣಾ ಕಾರ್ಯಕ್ಕೆ 95 ಸಿಬ್ಬಂದಿಯನ್ನು ನಿಯೋಜಿಸಲಾಗುತ್ತಿದೆ. ಅದರಲ್ಲಿ ಪೊಲೀಸ್ ಇಲಾಖೆಯ 57 ಹಾಗೂ ಶಿಕ್ಷಣ ಹಾಗೂ ಪಂಚಾಯತ್ ರಾಜ್ ಇಲಾಖೆಯ 38 ಸಿಬ್ಭಂದಿ ನೇಮಿಸಲಾಗಿದೆ’ ಎಂದು ಅಧಿಕಾರಿಗಳು ತಿಳಿಸಿದರು. ‘ಜನಪ್ರತಿನಿಧಿಗಳು ಮೊಬೈಲ್ ಬಳಕೆ ಮಾಡುವಂತಿಲ್ಲ. ಎಲ್ಲರೂ ಮಾಸ್ಕ್ ಧರಿಸಿ, ನಿಯಮ ಉಲ್ಲಂಘಿಸಿದರೆ ಕ್ರಮ ಕೈಗೊಳ್ಳಲಾಗುವುದು’ ಎಂದು ತಹಶೀಲ್ದಾರ್ ಶಿವಾನಂದ ಮೇತ್ರೆ ಹುಲಸೂರ ಹೇಳಿದರು.</p>.<p class="Briefhead"><strong>ಮತಗಟ್ಟೆ ಸ್ಥಾಪಿಸಿದ ಶಾಲೆಗಳಿಗೆ ರಜೆ<br />ಚಿಟಗುಪ್ಪ: </strong>ತಾಲ್ಲೂಕಿನ ಇಟಗಾ, ಮಿನಕೇರಾ ಗ್ರಾಮ ಪಂಚಾಯಿತಿಗಳ ತಲಾ ಒಂದು ಸ್ಥಾನಕ್ಕೆ ಸೋಮವಾರ ಉಪ ಚುನಾವಣೆ ನಡೆಯಲಿದೆ.</p>.<p><strong>ಅವಿರೋಧ ಆಯ್ಕೆ:</strong> ತಾಲ್ಲೂಕಿನ ಇಟಗಾ ಗ್ರಾಮದ ಪರಿಶಿಷ್ಟ ಪಂಗಡ (ಮಹಿಳಾ) ಸ್ಥಾನಕ್ಕೆ ಇಂದಮ್ಮ ಚೆನ್ನಪ್ಪ ಅವಿರೋಧವಾಗಿ ಆಯ್ಕೆಯಾಗಿದ್ದರಿಂದ ಚುನಾವಣೆ ನಡೆಯುತ್ತಿಲ್ಲ ಎಂದು ಚುನಾವಣಾಧಿಕಾರಿ ಬಲವಂತ ತಿಳಿಸಿದ್ದಾರೆ.</p>.<p>ಮಿನಕೇರಾ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಬೋರಾಳ ಗ್ರಾಮದ ಸಾಮಾನ್ಯ ಮಹಿಳಾ ಸದಸ್ಯ ಸ್ಥಾನಕ್ಕೆ ಮತದಾನ ನಡೆಯಲಿದ್ದು, ಸರ್ಕಾರಿ ಪ್ರಾಥಮಿಕ ಶಾಲೆಯಲ್ಲಿಯ ಮತಗಟ್ಟೆ ಸಂಖ್ಯೆ 25 ಮತ್ತು 26ರಲ್ಲಿ ಮತದಾನಕ್ಕೆ ಸಕಲ ಸಿದ್ಧತೆ ಮಾಡಿಕೊಳ್ಳಲಾಗಿದೆ.</p>.<p>ಅಂಗವಿಕಲರಿಗೆ ತ್ರಿಚಕ್ರ ವಾಹನ ವ್ಯವಸ್ಥೆ ಮಾಡಲಾಗಿದೆ. ಮತಗಟ್ಟೆ ಎದುರಿಗೆ ಶಾಮಿಯಾನ್ ಹಾಕಲಾಗಿದೆ ಎಂದು ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ರಮೇಶ್ ತಿಳಿಸಿದ್ದಾರೆ.</p>.<p>ಸದರಿ ಮತಗಟ್ಟೆಯ ಶಾಲೆಗೆ ರಜೆ ಘೋಷಿಸಲಾಗಿದೆ ಎಂದು ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
