ಬೀದರ್: ಮಳೆಗಾಲ ಆರಂಭವಾಗುತ್ತಿದ್ದಂತೆಯೇ ಮಾಂಜ್ರಾ ನದಿ ತೀರದಲ್ಲಿ ಮತ್ತೊಂದು ಆತಂಕ

ಮಳೆಗಾಲ ಆರಂಭವಾದರೆ ಮೊದಲು ನೆನಪಾಗುವುದು ಪಂಪ್‌ಸೆಟ್‌ಗಳೇ. ಬೆಳೆಗಿಂತ ಮೋಟಾರು ಉಳಿಸಿಕೊಳ್ಳುವ ಚಿಂತೆಯೇ ಹೆಚ್ಚಾಗುತ್ತದೆ. ಸರ್ಕಾರ ಶಾಶ್ವತ ವೇದಿಕೆ ನಿರ್ಮಿಸಿಕೊಟ್ಟರೆ ರೈತರಿಗೆ ದೊಡ್ಡ ನೆರವಾಗುತ್ತದೆ

ನದಿ ನೀರಿನ ಮಟ್ಟ ಏಕಾಏಕಿ ಹೆಚ್ಚಾದರೆ ರಾತ್ರಿ ವೇಳೆ ಕುಟುಂಬ ಸಮೇತರಾಗಿ ಪಂಪ್‌ಸೆಟ್ ಎತ್ತಲು ಹೋಗಬೇಕಾಗುತ್ತದೆ. ಜೀವ ಭಯದ ನಡುವೆಯೇ ಕೆಲಸ ಮಾಡಬೇಕಾದ ಪರಿಸ್ಥಿತಿ ಇದೆ.

ಒಂದು ಮೋಟಾರು ಅಳವಡಿಸಲು ಲಕ್ಷಾಂತರ ರೂಪಾಯಿ ಖರ್ಚಾಗುತ್ತದೆ. ಪ್ರವಾಹದಲ್ಲಿ ಕೊಚ್ಚಿಹೋದರೆ ರೈತ ಸಂಪೂರ್ಣ ಸಂಕಷ್ಟಕ್ಕೆ ಸಿಲುಕುತ್ತಾನೆ. ಸರ್ಕಾರ ವಿಮೆ ಅಥವಾ ಪರಿಹಾರ ಯೋಜನೆ ಜಾರಿಗೊಳಿಸಬೇಕು

ಪ್ರತಿ ವರ್ಷ ಪಂಪ್‌ಸೆಟ್ ಸ್ಥಳಾಂತರಕ್ಕೆ ಸಾವಿರಾರು ರೂಪಾಯಿ ಖರ್ಚಾಗುತ್ತಿದೆ. ಕಾರ್ಮಿಕರ ವೆಚ್ಚ, ಕೇಬಲ್ ಹಾನಿ, ಪೈಪ್ ಬದಲಾವಣೆಗಳಿಂದ ಕೃಷಿ ಲಾಭವೇ ಕಡಿಮೆಯಾಗುತ್ತಿದೆ

ಮಳೆಗಾಲದಲ್ಲಿ ನೀರಿನ ಮಟ್ಟದ ಕುರಿತು ಮುಂಚಿತ ಎಚ್ಚರಿಕೆ ವ್ಯವಸ್ಥೆ ಇನ್ನಷ್ಟು ಬಲವಾಗಬೇಕು. ಮೊಬೈಲ್ ಸಂದೇಶ ಅಥವಾ ಗ್ರಾಮ ಮಟ್ಟದ ಮಾಹಿತಿ ವ್ಯವಸ್ಥೆ ಇದ್ದರೆ ನಷ್ಟ ತಪ್ಪಿಸಬಹುದು