ಗಮನ ಸೆಳೆದ ದೇಶಭಕ್ತಿ ಗೀತೆ ನೃತ್ಯ

7

ಗಮನ ಸೆಳೆದ ದೇಶಭಕ್ತಿ ಗೀತೆ ನೃತ್ಯ

Published:
Updated:
Deccan Herald

ಬೀದರ್: ಸ್ವಾತಂತ್ರ್ಯೋತ್ಸವ ಪ್ರಯುಕ್ತ ನಗರದ ಪೊಲೀಸ್ ಕವಾಯತು ಮೈದಾನದಲ್ಲಿ ಬುಧವಾರ ಆಯೋಜಿಸಿದ್ದ ಧ್ವಜಾರೋಹಣ ಕಾರ್ಯಕ್ರಮದಲ್ಲಿ ದೇಶ ಭಕ್ತಿ ಗೀತೆ, ಜಾನಪದ ಗೀತೆ ನೃತ್ಯ ಹಾಗೂ ಕೋಲಾಟ ಗಮನ ಸೆಳೆದವು.

ಸಿದ್ಧಾರೂಢ ಪಬ್ಲಿಕ್ ಶಾಲೆಯ ವಿದ್ಯಾರ್ಥಿಗಳು ಶುಭ್ರ ವಸ್ತ್ರ ಧರಿಸಿ ಕೈಯಲ್ಲಿ ತ್ರಿವರ್ಣ ಧ್ವಜ ಹಿಡಿದು ‘ವಂದೇ ಮಾತರಂ’ ಹಾಡಿಗೆ ಹೆಜ್ಜೆ ಹಾಕಿದರು.

ಗುಡ್‌ವಿಲ್ ಹಿರಿಯ ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿಗಳು ‘ಮಿಲೆ ಸುರ್ ಮೇರಾ ತುಮ್ಹಾರಾ’, ಕೆಂಬ್ರಿಡ್ಜ್ ಪ್ರೌಢಶಾಲೆಯ ವಿದ್ಯಾರ್ಥಿಗಳು ‘ಯೆ ದೇಶ ಹೈ ವೀರ ಜವಾನೋಕಾ’ ಹಾಡಿಗೆ ಹೆಜ್ಜೆ ಹಾಕಿ ಮನರಂಜಿಸಿದರು.

ಭಾರತ ಸೇವಾ ದಳದ ಜಿಲ್ಲಾ ಘಟಕದ ನೇತೃತ್ವದಲ್ಲಿ ಏಕಕಾಲಕ್ಕೆ 300 ವಿದ್ಯಾರ್ಥಿಗಳು ‘ಸಜ್ಜೆ ತೆನೆ ತಂದೀನಿ ಕುಟಬಾರೆ ನನ್ನ ರಾಣಿ, ಕುಟ್ಟಂಗಿಲ್ಲೊ ನನ್ನ ರಾಯ ಜ್ವರ ಬಂದಾವ್ ನನಗೀಗ...’ ಜಾನಪದ ಗೀತೆಗೆ ಹೆಜ್ಜೆ ಹಾಕಿದರೆ, ಸರಸ್ವತಿ ಹಿರಿಯ ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿಗಳು ಕೋಲಾಟ ಪ್ರದರ್ಶನ ಮಾಡಿದರು.

ಪೊಲೀಸ್ ಇಲಾಖೆ ವತಿಯಿಂದ ಪ್ರದರ್ಶಿಸಿದ ಹೆಲ್ಮೆಟ್ ಜಾಗೃತಿ ರೂಪಕವು ಹೆಲ್ಮೆಟ್ ಬಗ್ಗೆ ಸಾರ್ವಜನಿಕರಲ್ಲಿ ಅರಿವು ಮೂಡಿಸುವಲ್ಲಿ ಯಶಸ್ವಿಯಾಯಿತು.

ಹುಮನಾಬಾದ್‌ನ ರೇವಣಸಿದ್ದಯ್ಯ ಸ್ವಾಮಿ ಅವರು ಯಮನ ವೇಷ ಧರಿಸಿ ಹೆಲ್ಮೆಟ್ ಜಾಗೃತಿಯ ಮಾತುಗಳನ್ನು ಆಡಿದರು.
ಜಿಲ್ಲಾ ಉಸ್ತುವಾರಿ ಸಚಿವ ಬಂಡೆಪ್ಪ ಕಾಶೆಂಪುರ ಅವರು ‘ಹಸಿರು ಕರ್ನಾಟಕ’ ಯೋಜನೆಯನ್ನು ಉದ್ಘಾಟಿಸಿ ವಿದ್ಯಾರ್ಥಿಗಳು ಹಾಗೂ ಸಾರ್ವಜನಿಕರಿಗೆ ಸಸಿ ವಿತರಿಸಿದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !