ಬೀದರ್: ‘ವಿಕಾರಾಬಾದ್ನಿಂದ ಪರಳಿಯ ವರೆಗಿನ 269 ಕಿ.ಮೀ ರೈಲು ಮಾರ್ಗ ₹262.12 ಕೋಟಿ ವೆಚ್ಚದಲ್ಲಿ ವಿದ್ಯುತೀಕರಣಗೊಂಡಿದೆ’ ಎಂದು ಕೇಂದ್ರ ರಸಗೊಬ್ಬರ ಖಾತೆ ರಾಜ್ಯ ಸಚಿವ ಭಗವಂತ ಖೂಬಾ ತಿಳಿಸಿದ್ದಾರೆ.
‘269 ಕಿ.ಮೀ ಪೈಕಿ 105 ಕಿ.ಮೀ ವಿಕಾರಾಬಾದ್ನಿಂದ ಭಾಲ್ಕಿ ತಾಲ್ಲೂಕಿನ ಖಾನಾಪುರದವರೆಗೆ ವಿದ್ಯುತೀಕರಣ ಪ್ರಕ್ರಿಯೆ ಪೂರ್ಣಗೊಂಡು ರೈಲು ಪ್ರಯೋಗಿಕವಾಗಿ ಸಂಚರಿಸಿದೆ. ಈ ಮಾರ್ಗದಲ್ಲಿ ಸೋಮವಾರದಿಂದ (ಜ.24) ವಾರದಲ್ಲಿ ನಾಲ್ಕು ದಿನ ಬೀದರ್-ಯಶವಂತಪುರ (16571) ಹಾಗೂ ಯಶವಂತಪುರ-ಬೀದರ್ (16572) ನಡುವೆ ರೈಲು ಸಂಚರಿಸಲಿದೆ’ ಎಂದು ಅವರು ಮಾಹಿತಿ ನೀಡಿದ್ದಾರೆ.
‘ಬೀದರ್-ಹೈದರಾಬಾದ್ (17010), ಹೈದರಾಬಾದ್-ಬೀದರ್ ಇಂಟರ್ಸಿಟಿ (17009) ಹಾಗೂ ಬೀದರ್- ಮಚಲಿಪಟ್ನಂ (12750), ಮಚಲಿಪಟ್ನಂ-ಬೀದರ್ (12749) ರೈಲುಗಳು ವಿದ್ಯುತೀಕರಣ ಮಾರ್ಗದಲ್ಲಿ ಸಂಚರಿಸಲಿವೆ’ ಎಂದು ಅವರು ತಿಳಿಸಿದ್ದಾರೆ.
‘1934ರ ಜನವರಿ 14ರಂದು ಬೀದರ್ನಿಂದ ವಿಕಾರಬಾದ್ವರೆಗೆ ಮೊದಲ ರೈಲು ಸಂಚರಿಸಿತ್ತು. 88 ವರ್ಷಗಳ ನಂತರ ವಿದ್ಯುತೀಕರಣ ಮೂಲಕ ರೈಲು ಸಂಚರಿಸಲಿದೆ’ ಎಂದು ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.