ಕೈಗಾರಿಕೆ ಘಟಕದ ವಾರ್ಷಿಕ ವಹಿವಾಟು ಆಧರಿಸಿ ಪ್ರತಿ ವರ್ಷ ಶೇ 20 ರಷ್ಟು ಸಹಾಯಧನ ಬಿಡುಗಡೆ ಮಾಡುವುದರಿಂದ ಕೈಗಾರಿಕೆಗೆ ಹಣಕಾಸು ಸಂಸ್ಥೆ ಮೂಲಕ ಪಡೆದ ಸಾಲಕ್ಕೆ ಕಟ್ಟಬೇಕಾದ ಬಡ್ಡಿ ಹೊರೆ ಹೆಚ್ಚಾಗಲಿದೆ. ಬೆಳವಣಿಗೆ ಹಂತದಲ್ಲಿ ವಹಿವಾಟು ಆಧರಿಸಿ ಸಹಾಯಧನ ಬಿಡುಗಡೆ ಮಾಡಿದ್ದಲ್ಲಿ ಕೆಲ ಕೈಗಾರಿಕೆಗಳು ಮಂಜೂರಾದ ಮೊತ್ತ ಮಾತ್ರ ಪಡೆದರೆ, ಇನ್ನು ಕೆಲವು ಮಂಜೂರಾದ ಮೊತ್ತದ ಶೇ 20 ರಿಂದ ಶೇ 50 ರಷ್ಟನ್ನು ಪಡೆಯುತ್ತವೆ. ಇದರಿಂದ ರೋಗಗ್ರಸ್ತ ಕೈಗಾರಿಕೆಗಳಾಗಿ ಮಾರ್ಪಡುತ್ತವೆ ಎಂದು ಹೇಳಿದ್ದಾರೆ.