‘ಸಾಮಾಜಿಕ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಿ’

7
ಸೇವಾ ನಿವೃತ್ತರಿಗೆ ಅಂಬೇಡ್ಕರ್ ಮೊಮ್ಮಗ ಭೀಮರಾವ್ ಸಲಹೆ

‘ಸಾಮಾಜಿಕ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಿ’

Published:
Updated:
Deccan Herald

ಬೀದರ್: ‘ಸೇವೆಯಿಂದ ನಿವೃತ್ತರಾದವರು ಧಮ್ಮ ಹಾಗೂ ಸಾಮಾಜಿಕ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಬೇಕು’ ಎಂದು ಡಾ. ಬಾಬಾಸಾಹೇಬ್ ಅಂಬೇಡ್ಕರ್ ಅವರ ಮೊಮ್ಮಗ ಭೀಮರಾವ್ ಯಶವಂತರಾವ್ ಅಂಬೇಡ್ಕರ್ ಸಲಹೆ ಮಾಡಿದರು.

ಭಾರತ ಸಂಚಾರ ನಿಗಮ ನಿಯಮಿತ(ಬಿಎಸ್‍ಎನ್‍ಎಲ್)ದ ನಿವೃತ್ತ ಸಹಾಯಕ ಪ್ರಧಾನ ವ್ಯವಸ್ಥಾಪಕ ವೀರಶೆಟ್ಟಿ ದೀನೆ ಅವರಿಗೆ ನಗರದಲ್ಲಿ ಶನಿವಾರ ಆಯೋಜಿಸಿದ್ದ ಸನ್ಮಾನ ಸಮಾರಂಭ ಉದ್ಘಾಟಿಸಿ ಅವರು ಮಾತನಾಡಿದರು.

‘ಡಾ.ಬಾಬಾಸಾಹೇಬ ಅಂಬೇಡ್ಕರ್ ಅವರು ನಿಸ್ವಾರ್ಥ ಮನೋಭಾವದಿಂದ ಸಮಾಜ ಸೇವೆ ಮಾಡಿದ್ದರು. ಧಮ್ಮದ ಕಾರ್ಯದಲ್ಲಿ ತೊಡಗಿಸಿಕೊಂಡಿದ್ದರು. ಅದರಿಂದಾಗಿಯೇ ಸಮಾಜದಲ್ಲಿ ಸುಧಾರಣೆ ಕಾಣಲು ಸಾಧ್ಯವಾಯಿತು. ಜನ ಜಾಗೃತರಾಗುವಂತಾಯಿತು’ ಎಂದು ತಿಳಿಸಿದರು.

ಬಿ.ಎಸ್.ಎನ್.ಎಲ್ ಹಿರಿಯ ಅಧಿಕಾರಿ ಕಾಶೀನಾಥ ಕೊಂಡಾ ಮಾತನಾಡಿದರು. ವೀರಶೆಟ್ಟಿ ದೀನೆ ಅವರಿಗೆ ಶಾಲು ಹೊದಿಸಿ ಸನ್ಮಾನಿಸಲಾಯಿತು. ಭಂತೆ ಜ್ಞಾನಸಾಗರ ಹಾಗೂ ಭಂತೆ ಕಲ್ಯಾಣಶ್ರೀ ಸಾನ್ನಿಧ್ಯ ವಹಿಸಿದ್ದರು.

ಎನ್.ಗೋಪಾಲರೆಡ್ಡಿ, ಜಗನ್ನಾಥ ಬಡಿಗೇರ, ಶಿವರಾಜ ಕಪಲಾಪುರೆ, ಶಿವಾನಂದ ಸ್ವಾಮಿ, ಮಾಣಿಕರಾವ್ ಭಂಡಾರೆ, ಮಲ್ಲಿಕಾರ್ಜುನ ಭಾಲ್ಕೆ ಉಪಸ್ಥಿತರಿದ್ದರು.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !