ಚಾಮರಾಜನಗರ: ಕರಡಿ ದಾಳಿಗೆ ವ್ಯಕ್ತಿಗೆ ಗಾಯ

ನಂಜನಗೂಡು ಅರಣ್ಯ ಭಾಗ ದಿಂದ ಕರಡಿಯು ಹಿರಿಕಾಟಿಯ ಮಹೇಂದ್ರ ಅವರ ತೋಟಕ್ಕೆ ಗುರುವಾರ ಬಂದಿದೆ. ಮಧ್ಯಾಹ್ನ 12ರ ಸುಮಾರಿಗೆ ಇದನ್ನು ಗಮನಿಸಿದ ಗ್ರಾಮಸ್ಥರು ಅರಣ್ಯ ಇಲಾಖೆ ಸಿಬ್ಬಂದಿಗೆ ಮಾಹಿತಿ ನೀಡಿದ್ದಾರೆ. ಇಲಾಖೆಯ ಸಿಬ್ಬಂದಿ ಕರಡಿಯನ್ನು ಸೆರೆ ಹಿಡಿಯಲು ಪ್ರಯತ್ನಿಸಿದರು. ಈ ವೇಳೆ ಎದುರಿಗೆ ಬಂದ ನಾಗಯ್ಯ ಅವರಿಗೆ ಮೇಲೆರಗಿ ಪರಚಿದೆ. ನಂತರ, ಜಮೀನಿನಲ್ಲಿರುವ ಪೊದೆಯೊಳಗೆ ಓಡಿಹೋದ ಕರಡಿ, ಸ್ವಲ್ಪ ಸಮಯದ ನಂತರ ನಂಜನಗೂಡು ಅರಣ್ಯ ಪ್ರದೇಶದ ಕಡೆಗೆ ಹೋಗಿದೆ. ಸಂಜೆಯಾಗಿದ್ದರಿಂದ ಕಾರ್ಯಾಚರಣೆಯನ್ನು ಅರಣ್ಯ ಇಲಾಖೆ ಸಿಬ್ಬಂದಿ ನಿಲ್ಲಿಸಿದರು.

ಶುಕ್ರವಾರ ಕರಡಿ ಕಾಣಿಸಿ ಕೊಂಡರೆ ಕಾರ್ಯಾಚರಣೆ ಮುಂದುವರೆಸುವುದಾಗಿ ವಲಯಾರಣ್ಯಾಧಿಕಾರಿ ಲೋಕೇಶ್ ತಿಳಿಸಿದರು.