‘ಸಂಕೀರ್ಣ ವಿಚಾರಗಳು ಕೃತಿಯಲ್ಲಿ ಅಡಕ’
ಸಿನಿಮಾ ಕ್ಷೇತ್ರದಂತಹ ಸಂಕೀರ್ಣ ಹಾಗೂ ಕ್ಲಿಷ್ಟಕರ ವಿಷಯವನ್ನು ಸಂಶೋಧನೆಗೆ ಆಯ್ಕೆ ಮಾಡಿಕೊಂಡು ಸಂಶೋಧನಾ ಪ್ರಬಂಧ ರಚಿಸುವುದು ಸಂಶೋಧಕನಿಗೆ ಸವಾಲಾಗಿದ್ದರೂ ಬಿ.ಟಿ.ಕವಿತಾ ಯಶಸ್ವಿಯಾಗಿದ್ದಾರೆ. ಚಿತ್ರರಂಗದಲ್ಲಿ ಮೂಕಿ ಚಿತ್ರಗಳಿಂದ ಆರಂಭಗೊಂಡು ಪ್ರಸಕ್ತ ಸಿನಿಮಾಗಳಲ್ಲಿ ಪೊಲೀಸರ ಪ್ರತಿನಿಧೀಕರಣವನ್ನು ಅತ್ಯಂತ ಪರಿಣಾಮಕಾರಿಯಾಗಿ ಕೃತಿಯಲ್ಲಿ ಚಿತ್ರಿಸಲಾಗಿದೆ ಎಂದು ಶಾಲಾ ಶಿಕ್ಷಣ ಇಲಾಖೆ (ಪದವಿಪೂರ್ವ) ರಾಷ್ಟ್ರೀಯ ಸೇವಾ ಯೋಜನೆ ಸಹಾಯಕ ನಿರ್ದೇಶಕ ಗುಬ್ಬಿಗೂಡು ರಮೇಶ್ ಹೇಳಿದರು.
