‘ಜಗತ್ತಿನ ಗಮನ ಸೆಳೆದ ಬ್ಯಾಕ್ಟೀರಿಯಾ, ವೈರಸ್ಗಳ ರೂಪ, ದೇಹ, ಜೀವಿತಾವಧಿ ಅರ್ಥ ಮಾಡಿಕೊಳ್ಳಲು ಜೀವ ವಿಜ್ಞಾನಿಗಳು ಜೀವನ ಪೂರ್ತಿ ವ್ಯಯಿಸಬೇಕು. ಆದರೆ, ಜನರು ಇಂತಹದ್ದನ್ನು ಅರ್ಥ ಮಾಡಿಕೊಳ್ಳಲು ಪರದಾಡಬೇಕಿಲ್ಲ. ಕೊರೊನಾ ವೈರಸ್ ಅನ್ನೇ ಉದಾಹರಣೆಯಾಗಿ ತೆಗೆದುಕೊಂಡರೆ, ಸಾಮಾನ್ಯ ಜನರಿಗೆ, ಮಕ್ಕಳಿಗೆ ಕೊರೊನಾ ವೈರಾಣು ಹೋಲುವ ಪುಷ್ಪಗಳನ್ನುವೀಕ್ಷಿಸಲು ಅನುವು ಮಾಡಿಕೊಟ್ಟರೆ ಸಾಕು. ನಿಜವಾದ ವೈರಸ್ ಹೇಗಿರಬಹುದು ಎಂಬ ಕಲ್ಪನೆ ಅವರಲ್ಲಿ ಮೂಡುತ್ತದೆ.ಸೂಕ್ಷ ಜೀವಾಣುಗಳ ಲೋಕ ಹೇಗೆ ವಿಕಾಸಆಗುತ್ತವೆ. ಯಾವ ಆಕಾರ ತಳೆಯುತ್ತದೆ ಎಂಬ ಪರಿಕಲ್ಪನೆಯ ಹೊಳಹು ಕೂಡ ಸಿದ್ಧಿಸಲುಸಾಧ್ಯ’ ಎಂದು ಏಟ್ರೀ ತಜ್ಞ ಡಾ.ಸಿ.ಮಾದೇಗೌಡ ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.