ಮೂಲತಃ ಹುಣಸೆಪಾಳ್ಯ ಗ್ರಾಮದ ಬಾಲಕಿ ಕೆಲವು ದಿನಗಳ ಹಿಂದೆ ಬಸಪ್ಪನದೊಡ್ಡಿ ಗ್ರಾಮದ ತಮ್ಮ ಸಂಬಂಧಿಕರ ಮನೆಗೆ ಬಂದು ವಾಸವಾಗಿದ್ದಳು. ಮಂಗಳವಾರ ಬಾಲಕಿ ಪೆಟ್ರೋಲ್ ಸುರಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಳು. ಆತ್ಮಹತ್ಯೆ ಪ್ರಕರಣದಲ್ಲಿ ಠಾಣೆಯಲ್ಲಿ ದೂರು ದಾಖಲಾಗಬೇಕು. ಮರಣೋತ್ತರ ಪರೀಕ್ಷೆಯೂ ನಡೆಯಬೇಕು. ಆದರೆ, ಮಾಹಿತಿ ನೀಡದ ಬಾಲಕಿಯ ಕಡೆಯವರು ವಡ್ಡರಗಾಳಿ ಬಳಿಯ ಹಳ್ಳವೊಂದರಲ್ಲಿ ಮಂಗಳವಾರ ಮಧ್ಯಾಹ್ನ ಮೃತದೇಹದ ಅಂತ್ಯ ಸಂಸ್ಕಾರ ನಡೆಸಿದ್ದಾರೆ.