ಮುದ್ದುಮಲೈ ಬೆಟ್ಟಕ್ಕೆ ಬೆಂಕಿ

ಶನಿವಾರ ರಾತ್ರಿ 8 ಗಂಟೆಗೆ ಬೆಂಕಿ ಬಿದ್ದ ಪರಿಣಾಮ ಸಣ್ಣ ಪುಟ್ಟ ಗಿಡಗಳು ಹಾಗೂ ಕುರುಚಲು ಗಿಡಗಳು ಸುಟ್ಟು ಹೋಗಿವೆ. ಈ ಬೆಟ್ಟದಲ್ಲಿ 2 ತಿಂಗಳಲ್ಲಿ 5 ಬಾರಿ ಬೆಂಕಿ ಕಾಣಿಸಿಕೊಂಡಿದೆ. ಬೆಟ್ಟಕ್ಕೆ ಬೆಂಕಿ ಬಿದ್ದ ತಕ್ಷಣ ಅರಣ್ಯ ಇಲಾಖೆ 40 ಸಿಬ್ಬಂದಿ ಥಳಕ್ಕೆ ಬಂದು ಬೆಂಕಿಯನ್ನು ನಂದಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

‘ಪ್ರತಿವರ್ಷ ಕೆಲ ಕಿಡಿಗೇಡಿಗಳು ಬೆಂಕಿ ಹಚ್ಚುವ ಕೆಲಸವನ್ನು ಮಾಡುತ್ತಾರೆ’ ಎಂದು ಕೊಳ್ಳೇಗಾಲ ಬಫರ್ ಅರಣ್ಯವಲಯಾಧಿಕಾರಿ ಪ್ರವೀಣ್ ರಾಮಪ್ಪ ಚಲವಾದಿ ಹೇಳಿದರು.