ಕೊಳ್ಳೇಗಾಲ: ನಗರ ಸೇರಿದಂತೆ ತಾಲ್ಲೂಕಿನ ವಿವಿಧ ಕಡೆಗಳಲ್ಲಿಸೋಮವಾರ ಮಧ್ಯಾಹ್ನ ಉತ್ತಮ ಮಳೆಯಾಗಿದೆ.
ಮಧ್ಯಾಹ್ನ ಇದ್ದಕ್ಕಿದಂತೆ ಮೋಡಕವಿದ ವಾತಾವರಣ ಸೃಷ್ಟಿಯಾಯಿತು. 2.20ರ ಸಮಯದಲ್ಲಿ ಜೋರು ಗಾಳಿ ಬೀಸಿ ಮಳೆ ಸುರಿಯಲು ಆರಂಭಿಸಿತು. 20 ನಿಮಿಷಕ್ಕೂ ಹೆಚ್ಚು ಕಾಲ ವರ್ಷಧಾರೆಯಾಗಿದ್ದು, ವಾತಾವರಣ ತಂಪಾಯಿತು.
ಮಳೆಯಿಂದ ನಗರದ ಬ್ರದರನ್ ಚರ್ಚ್ ವೃತ್ತ ಸೇರಿದಂತೆ ವಿವಿಧ ಕಡೆಗಳಲ್ಲಿ ರಸ್ತೆಯಲ್ಲಿ ನೀರು ನಿಂತು ಜನರು ಕಿರಿಕಿರಿ ಅನುಭವಿಸಿದರು.
ತಾಲ್ಲೂಕಿನ ಜಾಗೇರಿ, ಹ್ಯಾಂಡ್ಪೋಸ್ಟ್, ಸತ್ತೇಗಾಲ, ಧನಗೆರೆ, ನರೀಪುರ, ಸರಗೂರು, ಜಿನಕನಹಳ್ಳಿ, ಮತ್ತಿಪುರ, ಗುಂಡೇಗಾಲ, ಪಾಳ್ಯ, ಕರಿಯನಪುರ, ಉತ್ತಂಬಳ್ಳಿ, ಕೆಂಪನಪಾಳ್ಯ, ತಿಮ್ಮರಾಜೀಪುರ, ಜಕ್ಕಳ್ಳಿ ಸೇರಿದಂತೆ ಅನೇಕ ಗ್ರಾಮಗಳಲ್ಲೂ ಮಳೆಯಾಗಿದೆ.
ಚಾಮರಾಜನಗರ ಸೇರಿದಂತೆ ಜಿಲ್ಲೆಯಾದ್ಯಂತ ಮೋಡ ಕವಿದ ವಾತಾವರಣ ಇದೆ.